驚嚇並不是傳說中的帆布床, 兇惡的護士姐姐 & 嬸嬸, 而是 ... 請看下去!
星期日晚在奶奶家 dinner 後上廁所, 去完一看, d 尿尿入面有 d 血絲 (似 M 最後 1,2 日的血絲), 再用紙巾一抹!
血水!!!
我已經嚇到震曬, 即時問阿嫂意見 (佢有生過 BB)
o甘大家都建議我驚就入院睇下啦!
** 最搞笑係當時我個侄仔 (17個月大) 見我地個個慌慌張張, 佢又走入廁所湊熱鬧
果一刻好驚好驚o既心情比佢緩和左, 又怕佢比廁所門夾到手指, 又要趕番佢出去, 很可愛 XD
我回想起健康院姑娘講過我地尼個 week 數入院 check 就 at least 2日1夜, 一定唔可以即時走!
o甘我就先同老公回家, 執好少少行李 (不是走佬袋, 因為我 feel 到是柑 B 報假案, 但點都要去 check)
之後再沖完涼, 洗完頭, 睇埋草猛先出發 <--- XD
打的去屯門醫院 15mins 都唔洗, 一去到直上產房 (大家記住尼個 week 數不用去急症, 直接上產房)
去到 T7, 姑娘叫老公幫我去急症登記入院, 而我就度肚呀 (又比人話細), 量血壓, 問問題之類!
之後就換衫入產前房, 產前房老公唔入得 lu, bye bye daddy!
我入去時唔算滿, 都仲有吉床, d 姑娘姐姐都好好人。
o甘 TV 播飛虎, 正想睇, 點知 ... 11pm 關電視 orz!
之後駁左陣胎心機我就比姐姐帶去照超聲波。
照完話未知出血原因, 話明天 check 陰道!
同話柑 B 頭仔已經入左少少少盤骨了 ~
之後出上番病床就是驚嚇之旅的開始 ...
其實我已經很很很累, 不過我完全睡不到!
因為我旁邊 2 邊的媽媽也在非常痛苦地呻吟!!
我真係好驚 orz!
左面的媽媽原來已經痛左 1日幾, 終於在我入院不久的凌晨時份開左 4 度被推去產房 ~ (第 1 胎)
右面的媽媽一路呻吟左 3,4 hours, 開左 2 度, 又被推去產房 ~ (第 2 胎)
我完全瞓唔到, 一看 iphone, 5:30am 了 ~
量下血壓, 再去搞左陣, 7:30am, 早餐了!
可能真是餓到傻左, 我竟然覺得幾好味 -___-
之後被推去 check 陰道, 痛到我呀!
又番房, 同周圍 d 媽媽傾下計, 又有新媽媽入來, 佢一路大叫, 一路喊!
之後又有其他媽媽大叫 (多數大叫的都不是香港媽媽)
我地一眾第一胎的媽媽真是好驚 -___-
之後悶左好耐, 醫生話比我出院 yeah! (不過要黃昏時份, 都好啦!)
下午一直在其他媽媽的大叫同呻吟聲中渡過, 之後有個媽媽成床血, 但 1 度都未開 (抖)
到我出院前佢終於開左 4度, 推左落產房!
等等等, 掛 8 號風球, 老公來了接我! 終於可以回家了!!!! (好感動)
雖然很悶很可怕, 不過都可以當是一個體驗, 下次真係生得我都知頭知路, d 衫o係 where 取, 去邊洗白白, 帶 d 咩之類!
埋單: $150 ($100 住院費, $50 登記費)
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
各位可唔可以比下意見:
現 36 weeks 5 days
宮頸未開, 不過阿 B 入左盤骨
我好唔好早少少開始放產假? (本放前 2 後 8, 8/3 開始)
醫生叫我唔好去o甘遠, 我公司o係新界西, 家在屯門, 最怕坐巴士時o係屯門公路作動 (45mins - 1 hour 車程)
尼 2 日個人腫曬, 不過未有肚痛 (間中有痛, 不過好短時間同唔 regular)
大家比 d 意見我呀, thanks! (又唔想亂o甘燃燒 d 產假 ... orz)
似乎bb好快要出世lu... ^^
回覆刪除[版主回覆07/24/2012 17:31:40]希望柑 B 痴我耐 D 啦 ~
[愛美媽媽回覆07/24/2012 12:41:22]其實唔定架啵...我自己就39週幾先生, 但我同事就37-8週就生左喇.
大家都係第一胎~
[版主回覆07/24/2012 12:38:39]第一胎會早 d 嗎? 我比較想柑 B 夠 40週, 因佢偏細隻 >_<
嘩~你咁快就黎料!!!加油呀~期待見到你個BB呀~
回覆刪除[版主回覆07/24/2012 17:32:04]但我想佢足 40 週 ... 要谷肥 D 先 ...
沖完涼, 洗完頭, 睇埋草猛先出發-->笑咗
回覆刪除不過真係好難講架,我有個舊客佢生第二胎,類似妳咁點知七星仔就咁出咗世啦。
[版主回覆07/24/2012 17:32:28]第 2 胎多數快好多架, 我係第 1 胎 ~
有次預演都好既⋯
回覆刪除[版主回覆07/24/2012 17:32:46]係啊, 下次會無o甘驚慌 ~
嘩睇黎bb好快出世. 不過其實你都下星期3開始放產假.都好快.不過真係唔好周圍去喇.
回覆刪除[版主回覆07/25/2012 18:30:29]希望足 40weeks (不過最好唔好遲 :PPP)
[NOR回覆07/25/2012 08:46:56]等你既bb post. ^_^
[版主回覆07/24/2012 17:34:00]我打算改星期 1 開始放, 當休息下 ~
我上次响瑪加烈又係响產房聽到有個媽咪大叫咗幾個鐘,嗰時聽到我心都寒...
回覆刪除既然醫生都叫你唔好去咁遠,咁不如早少少放,一陣真係响屯門公路作動就真係"呢咁hea"!
[版主回覆07/24/2012 17:34:54]係啊 ~
如果真是o係屯門公路作動就 2 頭唔到岸 ~ (荃灣又遠, 屯門又遠)
我打算改星期 1 開始放, 當休息下 ~
有冇可能叫私家寫病假呢? (係咪好奸?!)
回覆刪除[版主回覆07/25/2012 18:30:38]THANKSSS ~
[忌廉火柴回覆07/25/2012 11:27:27]依兩日要小心D, 行慢半拍... 呀~
[版主回覆07/24/2012 17:35:55]其實政府都開左 1 星期假比我, 不過我打算星期4, 5 都番一番公司, 交底番 d 野比同事。改星期 1 開始放, 當休息下 ~
我有朋友check 完bb 落左盤骨,但係佢唔識要休息, 仲返工, 點知就係公司穿羊水生~ 醫生話如果當時佢留係屋企休息多d, 可能bb唔會咁快出世~ 所以建議你都係拎多d 假, 休息多d~ 等bb 足月d 先出黎ma~
回覆刪除加油呀~ 柑b 好快就出黎了~
[Sharon and Benny回覆07/26/2012 09:17:37]加油, 休息多d, 訓多d, 食多d, 飲多d~ 柑b一定會變大ga~~
[版主回覆07/25/2012 18:31:41]柑 B 依家先勉強 5 lbs
我明天番公司交底埋 d 手尾就開始放假, 休息, 希望谷大柑 B ~
[Sharon and Benny回覆07/24/2012 22:32:53]我朋友係check完, 個頭落左去盤骨, 之後過多1-2個星期, 就生左~ 佢生時33周ja....好在bb夠大隻, 出世都有5磅, 不過就早產, 要成日去醫院檢查lor~ 所以你而家開始落, 你最好訓多d 床, 休息多d呀~
[版主回覆07/24/2012 18:20:38]請問你朋友係bb 落左盤骨少少定點?
結果佢早左幾多 weeks?
因為醫生話柑 b 個頭仔落左盤骨少少, 你o甘講一講我好驚啊 ...
我唸住前二後八, 第一胎通常第幾 week 出來0架?
回覆刪除[版主回覆07/25/2012 18:32:26]醫生話人人唔同 ~
你可以睇下大家 D 留言, 真是個個的經驗也不一樣 ~
私家幾時檢查?可以問下醫生,有咩意見
回覆刪除[Kitty回覆07/25/2012 20:19:39]加油,等你好消息
[版主回覆07/25/2012 18:32:46]政府就下星期1, C+ 就下星期5 ~
一切小心呀,bb要聽話,唔好嚇媽媽呀!
回覆刪除[版主回覆07/25/2012 18:32:56]謝謝~~~
問吓醫生都好吖, 睇佢有咩意見!!
回覆刪除我都係第一胎,呀B生時都已經轉左頭,落左盤骨,39W6D早上作動,夜晚十一點幾生,
我覺得放前二後八會好啲,之後用多啲時間對住呀B,其實通常說第一個唔會咁快,就算真係喺巴士痛,都應該夠時間通知巴士司機停比你轉白車到醫院先生,實有人幫你,唔使驚!(有咩事,第一時間通知司機,坐近啲佢)
放心,唔好比其他人嚇親,痛楚感覺真係個個唔同,我真係唔覺有十級痛,(反而check子宮開左幾多, 痛到入心入肺)只係唔舒服感覺多啲!可能放鬆啲會好啲,因我一啲都唔緊張!希望你都好似我咁輕鬆就生BB!! 加油!!
[版主回覆07/25/2012 18:37:15]醫生話原因不明, 已經照曬, check 曬, 只是叫我自己留意多 d~
同恐嚇我隨時作動, 叫我唔好去o甘遠 @_@
我同事都同我講, 要放輕鬆下身, 否則只會更痛, 千萬唔好一痛就縮起成個人, 都唔好大叫o徒力 XDD
希望柑 B 都可以 39-40weeks 先出來啦 ~
係咪因為入左盤骨所以有出血既情況?????
回覆刪除[版主回覆07/25/2012 18:38:30]醫生話原因不明, 已經照曬, check 曬。
因為佢話宮頸未開, 陰道也沒有息肉, 只是叫我自己留意多 d~
第一胎, 真係咩都會好驚架 >_<
見辛苦就唔好勉強...早點放假啦
回覆刪除[版主回覆07/25/2012 19:59:50]其實又唔係好辛苦, 只是對手腫曬 XDDD
睇到人地係甘喊,實係好驚
回覆刪除睇你就快生得,我都好緊張丫
[版主回覆07/26/2012 13:15:47]我依家日日都好緊張!
好驚險,真替你緊張,我都覺小心為上!
回覆刪除[版主回覆07/26/2012 15:23:00]謝謝小高 ~
我之前37週左右 o係健康院檢查, 話tarebaby 個頭落左盤, 咁我好開心以為佢會早d 出世, 唔洗催生. 點知下星期再去健康院, 姑娘檢查完都話落左盤, 大約5份之1左右, 話未有耐生得, 叫我散多d步, 應該會有幫助.
回覆刪除所以落左盤都有深淺之分, 我結果係39w3d 先生tarebaby~
我都係其中一個媽媽痛苦咁o係產前房呻吟, 因為陣痛真係好痛嫁... 可能我個ward 得8張床, 所以都係逐個媽媽咁呻吟, 情況唔算好嚴重~
[Tareworker回覆07/28/2012 19:45:03]我開左2度之後叫姑娘幫我打止痛針 (未開夠冇得落產房, 亦都冇得用笑氣, 打止痛針), o個時產房冇位, 所以唔可以落產房住. 我仲問姑娘會唔會打左止痛針冇得做無痛, 姑娘話唔關事, 係睇下我開得快唔快.
[版主回覆07/28/2012 13:10:44]諗起 ... 都驚 XDDD
[Tareworker回覆07/26/2012 17:34:31]無痛要睇下你開得快唔快, 我係開左2度之後冇耐就開到8度, 都未落產房, 所以冇做無痛呀. 另外, 好似要o係office hr 先有得做無痛的, 唔知屯門醫院係咪都係咁呢.
[版主回覆07/26/2012 16:14:51]唔知可唔可以申請無痛分勉 ...
[版主回覆07/26/2012 16:14:32]我下星期一又回醫院見醫生, 我打算問醫生可唔可以比我照多次!
因為我睇開個 C+ 太 full 要 8/13 先有位 w_w (我 8/15 都預產期了)
上次照 (星期日), 個醫生只話落左少少, 唔知少少 = 幾多 :P
早少少放產假啦, 最少你都安心啲, 無咁緊張, 阿B又可以休息得好啲嘛.
回覆刪除[版主回覆07/28/2012 13:11:07]開始放了 ~ 真是好爽 XDDD
早少少放產假啦, 小心為上呀, 加上啲人話個人開始腫就快生得呢, 你行多啲對生BB既時候有幫助呢
回覆刪除我生果時啲媽媽都係痛到係度叫, 行又唔得, 企又唔得, 真係女人最痛呀!!!
[版主回覆07/28/2012 13:11:43]我依家又唔太腫, 不過條腰好痛 T_T
如果頂得住就忍多個星期啦,好快見到BB啦,加油﹗
回覆刪除[版主回覆07/30/2012 12:21:57]開始放假了, 有 d 悶, 不過又好爽 XDDD
如果個人腫晒, 早少少放, enjoy 一下呢段待產日子, bb 出世後, 你有排忘, 我而家又湊仔, 又大住個肚, 都好倦, 所以我今胎都想放前二後八, 可以多d 時間休息下..
回覆刪除[Yan回覆08/01/2012 10:38:42]唔使驚, 我係special case.....放心啦!!
[版主回覆07/31/2012 18:24:25]我追番你 D BLOG, 你成 8,9度先比人推入產房 @_@
好恐怖呀 ~~
[版主回覆07/31/2012 12:19:01]唔驚 ... 就假 ...
[Yan回覆07/31/2012 12:06:27]我遲左大約四, 五日到, 我add 左你做blog 友, 你可以睇下我之前生仔過程, 但唔好驚喎...haha
[版主回覆07/31/2012 12:00:45]o甘你上胎準唔準時??
[Yan回覆07/31/2012 10:57:05]但我上一胎沒有經歷過三腫三消都生左, 我諗個個人唔同....放鬆心情, 好好期待bb 來臨...
[版主回覆07/30/2012 17:13:00]我依家又無腫啦 ~
d 人話 3腫 3消就生得, 唔知係唔係真呢 ~~ 好緊張 >_<
我算好好彩, 見紅果陣都放緊產假啦. 而且我係心知肚明, 前一夜因為飛撲過去兜住要碌落地既小朋友, 應該自己太大動作戚親. 終於入院俾醫生捉左去催生.
回覆刪除[May姨回覆08/01/2012 20:55:46]係正常咁陣痛既, 只係幫助子宮收縮, 等我唔係係醫院浪費時間, 反正都入咗院, 咪快手D先埋佢咯, 我諗醫生係咁諗掛?
[版主回覆08/01/2012 18:24:10]催生係唔係好痛架??