2012年8月26日星期日

♥ 柑 B 之誕生 ♥ 屯門醫院催生記 (上)- 產前房瞓街篇






話說 8/15 我就要入院催生, 當天 8am 準時入院!

當天早上同老公食左個大快活後就抱住忐忑不安o既心情入院!

入院後晴天霹靂! 產前房無床位!

瞓街都算! 仲要瞓人來人往的廁所邊!










最慘我要o係尼張床比醫生做陰道檢查 -__-
雖然產前房都係女人多, 不過真係好難受 ...

醫生用手指幫我 check 子宮頸, 真是痛到我叫左出聲 >_<
之後醫生話我子宮完全未 ready, 明天先塞藥, 先o係醫院住一晚!

比醫生了左幾野之後我去廁所發現見紅, 不過姑娘話正常, 我又問姑娘幾時可以轉上床, 姑娘話: 有 d 媽媽已經瞓左一晚尼 d 床, 你要排隊!

我果下真係喊左, 覺得好委屈!
廁所位有 d 味, 又人來人往, 我就係o甘默默過左一個早上, 好彩下午已經比我轉上床了 ~

經過之前 2 次住院經驗, 我知道眼罩同耳罩o既重要性!

所以當天晚上也叫可以好好睡一覺! 因為不知催生之後要痛多久 ...



待續 :P

下回分享我如同做戲般刺激又緊張嘅生B過程!

24 則留言:

  1. CONGRATS AR!!
    辛苦左媽媽啦,聽好多人講最近真係好FULL呀!!

    回覆刪除
  2. 真係辛苦哂,比我都會委屈到喊,太過份!當初有諗過為咗BBs攞香港永居而返去生,但諗到連生仔都要爭就打消念頭啦,哈哈!我諗你而家做咗新媽媽一定手忙腳亂,你要加油哦!

    回覆刪除
  3. 同你真係身同感受 ! 話說的入院,住左2晚,第一晚黃昏時先入(老人科加內科),住房內的加床,一邊係廁所,另一邊係個昏迷老人(恐佈),姑娘又唔比的拉開張廉擋下,第二晚5am仲黎左個大叫大喊的女子, 好驚, BB 都好驚,我喊左。下次一定要去私家。

    回覆刪除
  4. 莎拉蛋糕Sarah Cake2012年8月26日 下午7:23

    "醫生用手指幫我 check 子宮頸, 真是痛到我叫左出聲 >_<" -----> 絕對認同, 真係控制唔到我當時都咗出嚟!!!
    瞓得咁唔舒服, 真係好辛苦呀, 不過好彩可以早啲轉床, 等你可以休息足夠先生呢

    回覆刪除
  5. 嘩..連屯門e院都多人到咁!!
    明知無位, 就唔好叫人咁早入黎啦.
    不過好彩你下晝已經可以轉床~

    回覆刪除
  6. 好彩有得早D 轉床, 我開左兩度時, 產房滿左, 未落得去, 姑娘O係產前房拉布SET 架部, 好在之後有位, 如果唔係可能會O係產前房生TAREBABY...

    回覆刪除
  7. 愛海闊天空‧自由翱翔2012年8月27日 上午1:43

    辛苦你啦!! 唉.... 屯門醫院人多真係死症, 好彩下午都能夠上返大床, 希望到我生嗰陣少啲人入院啦.

    回覆刪除
  8. 聽咗你前部份, 我已經好緊張呀!!!!! 我重有一個月先生呀.... 而家又驚又緊張.... 我驚我都要催生呀.....

    回覆刪除
  9. 緊張刺激, 期待下集. 湊b好累, 加油~

    回覆刪除
  10. 總算捱過左呀!!!

    回覆刪除
  11. 我聽日都要入院催生呀,41 weeks 仲未出世呀!而家都好驚好緊張,希望唔好痛咁耐!

    回覆刪除
  12. check子宮頸真係痛到想死....
    [Gen回覆08/30/2012 12:27:35]係呀,我覺得仲痛過生BB

    回覆刪除
  13. 真係估唔到, 連屯門醫院都要瞓走廊, 陰公!!!

    回覆刪除
  14. 真係唔好彩, 撞正咁多人生仔, 咁生得時咪又會好多人等生要排隊?
    好緊張, 快D 講埋落去~~

    回覆刪除
  15. 嘩!無床位.......好彩唔駛等得太耐就有床位,龍年實在太多BB呀!!

    期待你既分享!!

    回覆刪除
  16. 龍年生b真係乜都要爭,期待你嘅待續....

    回覆刪除
  17. 吓,so bad!! 不過為左BB冇辦法啦,期待你嘅分享!

    回覆刪除
  18. 柑b好可愛呀!加油呀柑媽! 期待你分享下集....

    回覆刪除
  19. OMG....真係要瞓通道...仲要厠所位附近...真係辛苦你呀!!! 不過為左BB...值得呢!!!等你下集呀~~

    回覆刪除
  20. 訓起廁所邊真係好難受,
    我都怕到時我都會甘

    回覆刪除
  21. oh....真係咁多人呀!!
    我就比較好彩, 生時人流唔多, 產前房係多d人, 但產後房就仲有好多吉既床

    回覆刪除
  22. 不過我係 係威爾斯生

    回覆刪除
  23. 好慘呀,瞓廁所附近><

    回覆刪除