經歷完十級痛, 生左阿仔!
無特別感動同開心, 第一個感覺係鬆一口氣, 同好似發左場夢 XD
之後個姑娘抱阿仔比我睇問我男定女, 同講左出生時間同重量比我聽 ~
柑 B 有 2.96KG, 比我想像中重! 叻仔!
姑娘叫我鍚啖 BB, 我第一反應係:
e ... 唔係掛, 我下面痾出黎架 wor!無特別感動同開心, 第一個感覺係鬆一口氣, 同好似發左場夢 XD
之後個姑娘抱阿仔比我睇問我男定女, 同講左出生時間同重量比我聽 ~
柑 B 有 2.96KG, 比我想像中重! 叻仔!
姑娘叫我鍚啖 BB, 我第一反應係:
但我無理由話 : 唔洗客氣 ~
於是我就隔空氣鍚左柑 B 一啖 XDDDD
然後柑 B 就比人抱左去 check 野同瞓暖箱 ~
之後助產士話: 我幫你打麻醉針o係大脾之後聯針, 少少痛, 不過唔好郁!
佢打針果下唔好話痛, 係完全無感覺, 我仲諗, 我對大脾唔係壞死左下話 ...
不過到開始聯針, 我就知無壞死, 因為完全 feel 到聯針。
但話痛又唔係好痛, 同人太累, 就完全一動不動由佢聯.
而且我係完全 feel 唔到幾時比佢剪左 -___-
十幾分鐘之後聯完, 放番對腳落床, 柑 B 就被抱回來 ~
我見第一次正眼睇佢!
O ... 佢單眼皮 <-- 第一感想 (我老公 D 家族遺傳真係太強, 成族人都單眼皮, 柑 B 都難逃尼個命運 XD)
就算我同阿嫂都係雙眼皮, 我地o既 BB 都係單眼皮 ...
助產士就教我餵母乳, 柑 B 啜下啜下, 好得意 ~~
不過可能姿勢唔 arm, 我個乳頭只是一陣就損左 -___-
大概 30mins 之後一佢地又攞走左柑 B, 叫我自己休息下 ~
不過產房 D 人依嘩鬼叫, 我覺得完全無可能休息到。
上網睇產後 6 小時內要去小便, 否則要插尿喉!
於是我 her her 聲飲左佢 provide o既一杯水, 一盒奶同一包餅。
然後就回想番之後生仔o既情況 ~
我 2點幾生完, 我一睇鐘 ... 4 點幾, 即是我攤左o係產房成 2 個鐘, 於是我問 d 姑娘借左電話打比老公。
我: 喂, 老公! 做緊咩?
老公: 準備瞓一陣
我: 我生左啦!
老公: 下!!! (勁大聲)
我: ...
老公: 無人 call 我o既?
我: 太緊急 ...
老公: o甘我一陣去睇你 ...
我: ok
之後打比阿媽
我: 我生左啦 ~
媽: 是不是生左個仔?
我: 唔通生左個女?
媽: 人地 re-confirm 下 jor!
然後我就一路等 ... 終於有個助產士發現左我 ... 然後佢出門口問做咩我仲攤o係度
之後比我偷聽到佢地話產後房無位 ...
又過左一陣, 我終於比人推去產後房 ~
入到產後房又比我偷聽到我張床係最後一張!!
之後 o既媽媽要肿加床!
唔好問我做咩成日偷聽到佢地講野, 因為我真係好好好清醒 ~
仲要唔知行咩好運, 我張床電動架 ~~
待續
下回是最終章, 柑 B 與我在產後房的日與夜 XD (包括比姑娘鬧o既慘況:P)
下回是最終章, 柑 B 與我在產後房的日與夜 XD (包括比姑娘鬧o既慘況:P)
你嘅形容好攪笑!你好勁呀!期待下一篇!
回覆刪除Haha...你地d對話勁搞鬼
回覆刪除你老公超慘哈哈哈,勁大聲「下?!」,哈哈哈
回覆刪除你生得咁順都要剪,睇嚟真係冇得唔剪...
睇到好緊張,但你又形容到好攪笑,haha~
回覆刪除我希望到時生完都有床位~><~
笑死我~唔肯鍚個仔....哈哈!!
回覆刪除我諗姑娘叫媽咪錫錫BB呢個動作係指定架, 因為我個時都係一樣, 姑娘叫我鍚啖BB!!!
回覆刪除嘩~恭喜你啊!!最緊要母子平安~我下POST再來探你
回覆刪除哈哈...又無諗過姑娘會咁主動叫你錫個仔喎,但更加無諗過你會唔想錫佢,同埋你同你媽咪d對答都好好笑
回覆刪除我念你老公真係嚇到呆左
回覆刪除哈哈, 咁辛苦生完, 你又會唔想錫下柑B, 好搞笑. 我仲以為姑娘會通知老公你入產房添.
回覆刪除恭喜晒~ 柑柑!! 估唔到你生左柑B咁平靜~哈哈!! TAKE CARE AR^^~
回覆刪除呢篇野我係BK睇過,原來係柑柑,恭喜你生個可愛的小王子~^^
回覆刪除而家一次過睇返你既生仔經歷, 好期待你繼續寫, 柑b好可愛呢~
回覆刪除WOW.. 恭喜晒AR...
回覆刪除我0個陣生完都攤左好耐先比人發現.. 而家D 床位更加緊張~~~
祝柑B 身體健康AR~~
你好叻呀,咁快就生到!柑B好錫 Mommy 呀!
回覆刪除好想快d睇你最終章呀....
回覆刪除屯門醫院真係好full啊... 去到邊都無位... >.<
回覆刪除要等你通知你老公先知己生左...-_-||
回覆刪除你同你媽媽既对話好搅笑.
傷口逢针時每一針我都感觉到吉吉地,感觉好似逢左成個鍾坩,幸好傷口真係ok,無事.