2012年9月3日星期一

♥ 柑 B 之誕生 ♥ 屯門醫院催生記 (中)- 「全」痛分勉之順產篇

零止痛 = 無笑氣, 無止痛針, 無無痛分勉!

回想起來真係緊張刺激! 可一不可再!

8/16 早上 5:30am 被叫醒, 因為 6am 準時要塞藥 ~
洗完面刷完牙, 姑娘又來幫我 check 子宮 -___-

不過比起前一日醫生 check, 姑娘真係溫柔好多!
check 完姑娘就直接幫我塞藥~

我: 子宮情況點啊?
姑娘: 宮頸仲好長, 子宮壁仲好厚!
我: 即是完全未 ready? T_T
姑娘: 唔好太擔心, 有人塞完藥好快有反應 ~
我: 塞左藥係唔係唔可以食野?
姑娘: 可以食呀, 因為塞第一次藥多數無反應! (姑娘你前後矛盾)

之後就駁機聽心跳, 因為塞左藥就要一路駁機聽住心跳 ~
即是一塞左藥就唔可以再落床 (去廁所都要用兜兜)


securedownload 

瞓o係度食早餐 ... 我只食到個包 ...

到 10 點幾, 我開始有有規律o既陣痛, 不過只似 M 痛 ~
我仲可以用 APP 來 check 下 ~
我用以下尼個 APP (右下)


當時陣痛是 KEEP 住 1分鐘左右 1次, 每次 20秒左右 ~


02

之後有個高級醫生就來幫我 check 宮頸 (我開始麻木左XD), 結果醫生話子宮完全未 ready, 話下午再幫我 check!

但醫生走左之後陣痛愈來愈強, 我於是o係網上 download d 呼吸法, 叫有 d 依靠 -__-



到中午 12 點, 老公來探我時, 我已經覺得好痛好痛, 我捉住老公隻手, 默默o甘流淚 ...


之後我同老公講: 我子宮未 ready 都o甘痛, 如果我要 keep 住痛到聽日再塞藥真係唔知點算 (之後我又默默流淚)


因為我估計都唔會o甘快, 我就叫老公走先。
但老公走左之後 d 陣痛愈來愈強烈, 於是我按鐘叫姑娘。


我: 姑娘我好痛 (表面好冷靜)
姑娘: o甘你成個肚痛定點?
我: 我下腹痛!
姑娘: 要成個肚痛先係架!
我: ... ...
姑娘: o甘你有無想去大便?
我: 少少, o甘可能我唔忍得痛啦!


姑娘就話去幫我睇下醫生幾時過黎同我 check。


點知姑娘一走, 我 d 痛又增加左, 仲要好想柯屎!
於是我又按鐘叫姑娘, 果時我已經痛到忍唔住細細聲叫 :「呀! 好痛, 呀!!!」


姑娘見我o甘痛就幫我 check, 點知 ...
姑娘: 唔錯 wor! 開到 3 度!
我第一個反應係: o下! o甘我咪無得做無痛分勉?? (因為上網睇多數過左 3 度都唔比做架啦 ~)
姑娘: 去到產房你再自己問啦 ~ 你可以換衫啦 ~


o甘我就換衫, 突然又痛到嘔, 一嘔我就 feel 到自己穿左水 ...


我: 我好似穿左水 ... 定唔知賴左尿 ...
姑娘: 唔怕架, 我地幫你 check! (我想講 d 姑娘真係超級好人, 邊個話屯門醫院 d 姑娘唔好架!)


之後過左床, 佢地推我出房, 就o係尼個時候我聽到 ...
產房話無位, 叫 d 姑娘等我開到 7 度先推我入去 wor!


我於是大叫 : 我要痾啦! 好想痾! (緊係要叫大聲 d等佢地快 d 比我入產房)
當時唔知點解房入面有位阿 sir, 我見佢比我嚇呆左 XD


我比人又房 A, 推左入房 B, 但我真係好想痾!
於是大叫, 我諗我 D 叫聲成個 A7 都聽到!


姑娘再 check, 之後姑娘話: 7 度, 7度啦! 快 d 推佢去產房!


由 3度到 7 度都唔知有無 5 mins! (我就一路大叫)
然後我張床就好似做戲o甘, 比好多人跑住推入產房 <-- 其他孕婦都是慢慢推入產房, 甚至有 D 孕婦係自己行入去


經過走廊, 我仲諗, d 人會唔會以為我係衝急症o既雙非 -__- (應該成層都聽到我 d 叫聲)


姑娘又嚇我, 如果依家生, 無儀器, BB 呼吸唔到, 皮膚會紫色!
o甘我緊係死忍, 狂呼吸!


終於去到產房, 頂佢, 仲要將我 d 野入 locker, 又叫我對資料!
千辛萬苦終於去到產房, 又要過床, 我因為太急, 抱住個肚, 一個翻斗就滾左過去 ... (d 姑娘大叫: 唔係o甘過床, 不過我已經自己瞓好左)


然後有個護士長話: 你黎到產房, 唔洗驚架啦!
我心諗, 我唔係驚, 我係想痾!


姑娘: 你老公o係醫院嗎?
我: 唔洗理佢, 我要生啦, 我唔等!!


我大叫: 痾得未? 痾得未??


佢地叫我試, 點知佢地叫我吸氣我又呼氣, 叫我呼我又吸 ...
之後又比人話用錯力, 必左 d 屎出黎 @_@


終於唔知幾耐, 我 feel 到下面好暖, 我知阿仔出緊黎啦!
點知個助產仕大叫: HOLD 住!


點 HOLD 呀大佬!


「臍帶纏頸!」


一聽到尼句, 死都 HOLD! (原來 HOLD 到架 wor)


之後佢又叫我 push!
好快就聽到 BB 喊聲啦 ~~~
我覺得自己生得好快, 但唔知用左幾多時間! (後來我睇番醫院分 report, 原來只用左 4 mins)


產房 d 人個個都話我叻, 生得快, 仲問我係唔係成日運動?
我仲答: shopping 算唔算? XD



待續

42 則留言:

  1. 勁呀!真係好快生到, 女人生仔真係好偉大呵!!十卜十卜..

    回覆刪除
  2. 4 mins!你 好叻呀。我開始驚啦。。。腳好腫啦

    回覆刪除
  3. 睇到好緊張丫!!!!
    估唔到甘快由3度去到7 度,又估唔到甘快生到阿b...........

    又睇到好笑,連老公都唔等,
    快o的快o的生左阿b 先

    回覆刪除
  4. 你好叻呀...真係生得好快!!

    回覆刪除
  5. 生得好快呀!!! 一路睇一路好緊張呀!!! 恭喜哂你呀~~~

    回覆刪除
  6. 你形容得好好笑呀!!! 我o係 office 差 d 笑左出黎
    你好勁呀!! 全程都好清晰知道發生緊咩事. 我都好驚會發生臍帶纏頸, 但聽你咁講原來都可以冇問題丫!
    恭喜晒你!

    回覆刪除
  7. 恭喜哂呀, 你真係形容得好搞笑呀~不過你真係好叻, 唔使止痛仲生得咁快, 希望我都得啦~

    回覆刪除
  8. 4 mins?! 真係好快呀! 睇住你o既生仔過程真係又緊張又搞笑. 希望你多d休息同埋祝你bb健健康康

    回覆刪除
  9. 生得咁快, 實在太令人羨慕喇!!!! 恭喜哂!!!

    回覆刪除
  10. 好勁呀!!!!! 4 mins 就生完.... 好羨慕呀.... 希望我可以好似你咁好彩啦!!!
    恭喜你呀....柑B好靚仔呀~~
    一路睇你嘅催生記就一路笑.... 好有趣嘅經歷...同埋你同護士嘅對話真係好攪笑...有D似馬仔嘅漫畫呀!!! 睇完令我突然放心咗少少....覺得生仔都唔係想像中可怕~~ 期待你的下集!!!!

    回覆刪除
  11. 生得好快呀,真係叻叻!

    回覆刪除
  12. 勁!!! 4分鐘, 我push左45分鐘=,=

    回覆刪除
  13. 柑柑: 我係公司偷睇你個BLOG, 忍笑忍得好辛苦呀!!! 雖然知你過程好辛苦, 不過你形容得好"現實"呀!!! 家下有D肚痛TIM (忍笑太辛苦...)

    回覆刪除
  14. Congrats ar~~~
    勁勁勁,4mins 就搞掂,恨死我呀!!
    原來SHOPPING有幫助嘅~
    btw, BB幾重呀?

    回覆刪除
  15. 勁呀, 咁快又咁順利生左小柑B, 其實咩鎮痛都唔用係對大人同小朋友係最好的, 諗返轉頭都係一個過程, 見到BB健康長大就夠晒滿足! 不過你真係好叻呀, 一齊加油湊BB~~~

    回覆刪除
  16. 原來我同你既生仔過程都有d似wor~~hahahaha.....
    而家有時都仲會諗起個種好想all既感覺.....真係超難忘!!!

    回覆刪除
  17. 你寫得好攪笑~
    好勁呀! 4MINS就生到

    回覆刪除
  18. 睇到我都緊張哂.........

    回覆刪除
  19. 睇到我好緊張.... 我會唔會都無無痛分娩呢......

    回覆刪除
  20. 好叻呀,聽到我都好緊張

    回覆刪除
  21. 真係好勁! 4分鐘搞掂 超快~~~

    回覆刪除
  22. 莎拉蛋糕Sarah Cake2012年9月7日 下午9:15

    睇到我好緊張, 你好勁呀, 4MIN就生咗個BB出嚟, 仲要係係"全痛分娩"!!!!

    回覆刪除
  23. 好刺激呀,你自己碌過床又確係好勁!

    回覆刪除
  24. 嘩, 好己經想像到個場面wakaka...好鬼刺激下喎...睇到我好緊張..

    回覆刪除
  25. 睇到我都好緊張ar...

    回覆刪除
  26. 我糸bk見到你個post好搞鬼呀!原來系柑柑你呀!

    回覆刪除
  27. 都ok, 算生得好快!! 同我差不多!!! 做媽媽日子, 慣嗎?? 係唔係好辛苦呢??

    回覆刪除
  28. 貓女 ✿◕‿◕。 kATHy2012年9月16日 上午10:32

    恭喜哂! ^v^ 上個 week 我 BB 都出0左世喇

    回覆刪除
  29. 愛海闊天空‧自由翱翔2012年9月18日 上午6:50

    你既生產歷程睇到我好緊張啊!!!
    恭喜, 你和柑B呢!!!

    回覆刪除
  30. 柑媽, 我係baby kingdom 都見過你post 生產過程
    之後睇到你blog, 就諗緊係咪baby kingdom 果個媽咪><

    回覆刪除
  31. 你開得好快呀!! 開到7度仲要忍真係好辛苦!!
    我b果時又係臍帶纏頸, 又係俾人叫hold住... 原來又真係hold到架wor~ hahahha...

    回覆刪除
  32. 好剌激又好辛苦呀,媽媽好偉大

    回覆刪除
  33. 好緊張激刺好拍戲! 同埋唔好意思堅好笑 =p 第時一定要話返俾柑b聽呢!

    回覆刪除
  34. 你講得好攪笑呀!又好叻,咁快生到!

    回覆刪除
  35. 真係似双非衝入急症室,但唔敢大叫咋!
    真係好似拍戲,咁快由3度变7度,又要突然hold住,好彩最后bb都順利出世,!

    回覆刪除
  36. 好緊張呀~~睇你呢個blog...好似睇梗小說咁...好多畫面呀
    最搞笑既係你問:痾得未? 痾得未??

    多謝你既分享...希望我可以好似你咁也就得到阿b出黎^^
    [版主回覆03/25/2013 22:57:45]haha ~ 想番轉頭都幾驚險 ~~

    回覆刪除
  37. 睇你呢個好緊張呀~~~~
    你好勁呀~~~~咁快就生到阿b~

    回覆刪除
  38. 豆丁@加拿大Hamilton2013年4月11日 下午7:52

    寫得好生動啊~可愛媽媽~~~~~~~^^
    LIKE你的blog呀~^^
    [版主回覆04/12/2013 23:08:35]謝謝呢 ~~~

    回覆刪除