2012年11月9日星期五

柑 B 厭奶了? 開奶茶都唔掂, 點算好?

話說由上星期開始, 柑B開始唔多食奶!
雖則佢一向都係嘆奶王 (4安 = 1 hour)


但尼期就算夠鐘食, 佢都唔肯食, 啜都唔肯啜
同佢鬥力, 塞入佢個口就狂喊, 都唔知佢想點。


結果:

(1) 1人負責餵, 1人用玩具引佢注意 (成功率 : 50%)
(2) 先用奶咀氹佢瞓, 等佢半睡半醒, 再以 9秒9 拔奶咀, 換奶樽 (成功率 : 80%)


不過就算用方法 (2) 佢只係一口氣飲 1 次, 次後都唔肯再飲 ~
即是有時一口氣飲 3 安就 3 安, 唔會肯再飲 >.<


你睇下佢, 拱橋式對抗我 T_T

點算好?
(請無視我o既坐姿! 我真係扎行馬同佢鬥力先 hold 得住佢 -__-)




睇下佢腳同拳頭仔幾用力 T_T

之後試左開奶茶 (余仁生無糖)

結果都係唔 work!
同飲左開奶茶之後 (只飲過一次)

本身柑 B 係 2 日去一次便便, 依家連續一星期, 一日有幾次比較浠o既便便!
是不是正常的呢?
煩死人了!


16 則留言:

  1. BB隔一段時間就會厭奶, 我個仔都試過幾次, 健康院D姑娘話話佢食幾多都唔緊要, 佢地識調節, 通常過幾日, 我個仔就會回覆正常, 柑B會唔會有咩唔舒服? 如果唔係可以睇多1, 2日情況點先~~
    [版主回覆11/11/2012 22:49:00]但已經過左 2 星期了 ~
    柑 B 尼 2日咳同有痰, 更加無胃口了 >_<

    回覆刪除
  2. 係呀,其實佢地識自己調節架,唔好擔心,順其自然睇定啲!
    [版主回覆11/11/2012 22:49:04]但已經過左 2 星期了 ~
    柑 B 尼 2日咳同有痰, 更加無胃口了 >_<

    回覆刪除
  3. 開奶茶好work喎,有返密d既便便
    [版主回覆11/11/2012 22:49:45]但佢 D 便便本身無問題, 而家搞到痾痾地 >_<

    回覆刪除
  4. haha...我睇到柑b拱橋咁飲奶真係忍唔住笑左出黎...
    佢......真係有性格.!!hahaha~
    我見有朋友既bb好似飲飲下幾個月後都會有咁既情況,
    你唔好太擔心, 到時去檢查時問清楚醫生..
    [版主回覆11/11/2012 22:50:11]真係無佢辦法, 同一諗起就好唔開心 :(

    回覆刪除
  5. 問問醫生,希望有進展啦
    [版主回覆11/12/2012 14:16:17]不過上網睇話 bb 總有厭奶期, 不過好擔心~

    回覆刪除
  6. 我都係8月媽媽呀, touchwood 我阿囝暫時都未厭奶, 幾時再返健康院檢查呀 ? 可以問吓姑娘。
    陰公豬囉, 仲咳添
    [版主回覆11/12/2012 14:19:14]要 4個月先番健康院 ~

    回覆刪除
  7. 哈哈, 禽晚我老公先至問我記唔記得果時一餵田鼠b就狂喊既日子...
    梗係記得啦. 諗起都心酸, 到而家都唔知發生咩事!
    我估會維持一兩個禮拜到啦...
    good luck!
    [田鼠b回覆11/12/2012 15:20:33]試下卡通口罩引佢睇下得唔得啦!
    柑b而家有小小痰啫, 唔算病. 同埋無餵人奶又唔係罪, 奶粉一樣咁多營養架啦.
    [版主回覆11/12/2012 15:05:24]kitty, 柑 B 已經頂左成個星期, 今個星期先終於頂唔住!
    加上我又無餵母乳, 所以可能差 D, 所以我都好僧自己!
    [版主回覆11/12/2012 15:04:21]o甘佢屋企人(包括 62, 99) 唔比佢戴口罩, 又話咩o甘細個就戴口罩好可憐, o甘我尼個 2 家嫂o既可以點? 我真係好唔開心! :(
    我想佢地唔好去 99 家! 堂哥有公公, 叫公公幫手 law! (點解一定要爺爺幫手)
    不過我老公唔肯出口, 如果我出口以後可能無立足之地 ...
    [Kitty回覆11/12/2012 14:59:52]正常頭六個月唔會病,你要睇實點
    [田鼠b回覆11/12/2012 14:59:38]你想佢堂哥點避先? 一係你買個有卡通既得意口罩俾佢, 睇下佢肯唔肯戴啦!
    [版主回覆11/12/2012 14:19:58]最慘柑 b 比堂哥哥 (2歲) 野左 d 咳, 好慘啊 ~ 佢有痰就更加唔食奶!
    我堅唔想佢堂哥哥再去 99 家, 但佢地姐姐走左, 都無辦法之下要 99 幫手, 要 11月尾先有新工人!
    最慘佢地成家都病, 佢堂哥哥病左成 2星期啦, 但一d都唔避諱下!
    我個 bb 先 2個月 jor! 真係好唔開心!

    回覆刪除
  8. 咁好煩喎~咁點算呀~~有無睇醫生呀~~

    不過佢呢個飲奶pose,好有型~~~
    [版主回覆11/12/2012 14:20:25]不過上網睇話 bb 總有厭奶期, 不過好擔心~

    回覆刪除
  9. 唔驚唔驚~我細個厭奶都超重,佢都仲肯食,小小都好過唔食~
    不過個姿勢實在太有型~~HAAHHA~~準備扮超人咁

    回覆刪除
  10. 佢地自己會調節,只要唔係病 / 體重無跌得好勁就不用擔心! 佢5肯食你可以試下拖長時間,e.g. 本身 3hr/meal, 可以變 3.5 ~ 4 hr ,佢肚餓一定會食o既!

    厭奶每個bb都會經歷的,我仔厭奶果期,一餐食1.5oz ><
    [版主回覆11/15/2012 17:03:48]已經 4小時一次, 有時拖到 4.5小時, 佢都係唔食 ... >_<

    回覆刪除
  11. 莎拉蛋糕Sarah Cake2012年11月14日 上午12:17

    而家柑b好啲未呀?! 我陶寶b都試過, 不過係特別夜晚臨瞓前先會扭, 不過佢維持好短時間就無嘢啦
    [版主回覆11/15/2012 17:02:59]未啊, 依然唔多肯食 ...

    回覆刪除
  12. 每個bb都有厭奶期..我仔4個月大時佢都突然唔係咁肯飲奶..
    佢本身都係個大食仔..平時飲開6-7安..點知突然飲得1-2安..
    每次喂奶情況都同你差唔多..一餐奶分左幾次先飲完...><""
    不過過左一段時期佢又無野..好正常咁飲..所以你可以再睇下先..
    開奶茶我都有俾仔仔飲..我就係藥房買黎煲俾佢飲既..
    有時都會用粥水開奶俾佢飲..飲完大便就會多d同埋會稀d..
    但只要唔係呵水就無問題
    (我仔仔依家7個半月, 日日都有便便, 一日1-2次..飲左開奶茶就會一日2-3次)
    [sandychan0902回覆11/16/2012 09:39:17]2星期厭奶期..每2個月就黎一次..><''.
    [版主回覆11/15/2012 17:02:34]你仔仔果時厭左幾耐呀??

    回覆刪除
  13. 你有無坐熱支奶再俾佢食呀?南瓜仔食到一半就唔食,之後再餵都唔肯食......之後我坐熱支奶俾佢,佢又食番支奶喎.....SO FAR 試左成個星期,都成功!!
    [版主回覆11/15/2012 17:02:04]一向有用暖奶器架啦 ~
    柑 B 係嘆奶之王 MA!

    回覆刪除
  14. 我b兩個幾月時都厭奶呀...最激15hrs唔食..食親都2-3oz就唔要...真係逼唔0黎呢....又可能其實係細食...依家4個幾月都係食4oz咋...不過就10mins內食完仲每次食得開心! 依家仲食solids添~慢慢0黎啦靚媽!加油啊!
    [版主回覆11/27/2012 22:49:47]依家好左 D 啦 ~
    不過要 62 同 99 餵先好 D, 我餵就 ... -__-
    分明就蝦媽咪啦 ~ T_T

    回覆刪除
  15. 我個b 飲奶時都係要同佢角力... 都唔明人仔細細, 點解會咁大力既!?

    咁而家柑b 肯唔肯飲奶呀? 我個b 一時ok, 一時唔ok, 我見佢平時精精靈靈, 唔係病就ok 了, 因為姑娘話bb 都會有時冇胃口.
    [版主回覆11/27/2012 22:49:55]依家好左 D 啦 ~
    不過要 62 同 99 餵先好 D, 我餵就 ... -__-
    分明就蝦媽咪啦 ~ T_T

    回覆刪除
  16. 我隻女都係咁, 原來你都係....
    佢又係嘆奶王, 又係一個鐘最少..... 餵佢餵到我懷疑佢吞嚥力有問題添!!!
    佢拱橋同你囝一樣!!! 可以做FD!
    大家一齊加油啦, 唔單單餵奶, 仲要收巨躉....
    BTW, 佢幾安幾餐?
    [版主回覆11/27/2012 22:50:39]你用咩樽? 我用 CHU CHU ~
    依家 100日3 D, 食 4-5安 ~ 一日6餐 ~

    回覆刪除