2012年11月1日星期四

♥ 柑 B 成長日誌 ♥ 第二個月 - 媽媽上手了, 但媽媽上班了

首先恭喜各位 blog 友媽媽 ~

看到各位 blog 友的 BB 都陸續出生了, 感覺很奇妙!
我們真的真的是一起成長的戰友呢!
然後我們o既 BB 又一起成長 ~


遲 D 等 BB 們大個少少, 我地搞番個 gathering 好嗎?


<-- 因為柑媽抱得衰, 柑 B 嬲嬲了 XD


回顧 :
♥ 柑 B 成長日誌 ♥ 第一個月 - 媽媽抑鬱了?

渡過最艱辛的第一個月, 第 2個月終於開始「上手」了。


開始知道 BB 喊時要點氹佢, 亦開始熟手地換片, 快手地開奶。
每天都有步驟o甘進行!


然而 ... 要上班了 ~





體重


第一個月去健康院時, 比醫生話「超重」。
第一個月由出生時 6.5lbs 直衝 12lbs -__-




大家都知道柑 B 一直有黃, 而有黃o既 BB 又一餐都不能少。

i.e.3小時一餐, 每次 4 安 = 一日 32安


醫生叫我地要改 4 小時一餐 (= 一日 24安), 不可再比佢食o甘多!
(o甘次前明明話一餐都不能少, 依家一退黃又要我地食少 d ...)


最慘柑 B 一夠 3 小時就勁喊一定要食, 所以我又擔心了!


食奶


要由 3小時一餐改為 4 小時一餐, 新手媽媽如我真是完全唔知點著手。
於是周圍問人 (包括 baby kingdom)
而最終結論係: 慢慢續少續少o甘拉長食奶之間o既時間!


頭 1,2日真係喊到拆天, 但估唔到好快柑 B好快就習慣左 4 小時一次!
由 3小時 --> 3.5小時 --> 4小時, 慢慢加上去。


用左 2,3 日時間左右, 就成功拉長為 4 小時食一次!




而最終o既受益人就係我同奶奶!!
因為 3小時食一次真係我地完全無時間休息!
改為 4 小時一次之後我簡直覺得上左天堂 XDDD

便祕


真係生兒十百歲, 長憂九十九!


一直食開雀巢金裝能恩, 便便好靚!
但滿月之後幾日開始唔再日日有便便!


隔左 2 日終於有便便, 嘩! D 便便硬過石頭。



而石頭便便更出現左 2 次!!



於是又有人嚇我, D 便便o甘硬, BB 如果覺得去便便辛苦就以後唔肯便便。


大家都知道, 依家係唔鼓吹比水 BB 飲!
但 D 人又話奶粉 B 一定要飲水!


就係o甘我比左人生第一口水比佢 ..
結果係 .. 佢唔飲 XD


o甘我又打去雀巢問, 佢又教我開奶加 1 安水 (i.e. 4殼奶粉, 5 安水)


終於搞左唔知幾多日, 柑 b 終於有大制作, 但 d 便便就由黃色變成墨綠色。
2日1次, 仲要臭到隔離房都聞到 ...
不過醫生又話無問題, o甘終於可以安心落黎!


爛面面




真係睇番張相都心痛!!
話說差不多一個月時, 柑 B 面面開始出左少少粒粒!
當時以為無咩事, 是但搽左 d BB保濕霜, 點知愈出愈多 ...


o甘又有人教我焗白菊水, 試左又唔 ok!


後來去開健康院問醫生, 醫生話熱痱, 唔洗理! (d 健康院醫生咩 Q 都話唔洗理)


之後姑媽教我用金銀花煲水比 BB 抹面!
嘩! 真係好神奇!
朝早抹, 下午已經好左好多!


不過姑媽話金銀花係好涼架, 一天只可以抹一次, 抹完再搽 BB 凡士林就 OK!


按: 記得, 金銀花係要煲左就可以用, 不是焗水 ~

媽媽體重

真係心酸o既話題!
話說個個都話我陀 B 陀得靚, 又重唔多 (around 23-24lbs 左右)
o甘一生完輕番 10lbs, 即是仲有 14, 15lbs o係身 ...


然後到就黎生完 3個月, 我依然仲有 14, 15lbs o係身!
即係 1 磅都無減過! -___-


最慘番工第一日, d 人一見我唔係問我身體點而係問: 瘦番曬未呀?


我就要一次又一次重複: 未呀! 仲有十幾磅!


d 人仲要繼續問: o下! 你唔似 wor! 你肥左去邊? (驚訝狀)


我只好無奈o甘話: 嗯 ... 全身平均分配 ...


最慘係我未有 B 時持住自己瘦, d 裙同褲條條都好裙, 仲要好低腰, d 衫又貼 -__-
結果係好多衫都著唔番, 拉錬都拉唔到呀陰公!


不過我只好安慰自己!
係! 我係肥左!
不過大把人肥過我!
很器張有沒有? HAHA!(唔好打面XDD)


番工


係柑 B 一個半月多 D 我就要番工了 ~ (淚)
我o係番工之前一星期, 一諗起要番工就流馬尿了!



到番工前一日, 我先搬番自己屋企住, 走之前一刻我喊到收唔到聲!
當晚亦完全瞓唔到!
還好第一日番工無咩野做, 仲可以上下網 ...


就o係果一刻 ... 我覺得 ... 好爽 XD


放工去睇 BB, 玩完拍下羅友就走 ...


就o係果一刻 ... 我覺得 ... 超爽 XD


然後番屋企, 可以一下瞓天光 ...


就o係果一刻 ... 我覺得 ... 暴爽 XD


第 2 朝番工, 化番個靚妝, 著番件靚衫 ... 真係有重生O既感覺! (冷血媽媽?)


am ... 我番工時係會好掛住阿仔, 但原來揍仔真係辛苦過番工好多好多!
而我亦清楚明白, 我絕對唔適合做 ftm!
我要扮靚, 我要上網, 我要 shopping!
當然, 我也是超愛柑 B, 但我亦熱愛自己o既生活!


所以我好感謝奶奶幫我照顧 BB 尼個O甘艱鉅O既任務!


柑柑在這裡向所有 FULL TIME MOTHER 致敬! (立正)





21 則留言:

  1. 睇相你而家都仲好瘦呀, 你又好la.........
    我既諗法同你一樣, 我係唔會做ftm既, 有d同事問我點解唔自已湊,
    但係...我都想有自己既工作, 自己既生活,
    我咁樣唔代表我唔鍚未出世既bb, 只係我唔想我對住bb又辛苦, 自己又唔開心,
    咁咪仲衰.......我覺得返到去同佢玩下傾下計咁, 感情咪會仲好...haha
    [版主回覆11/06/2012 12:01:59]緊係唔會啦 XDD
    等佢大 D 先 ~
    [kiki回覆11/05/2012 21:53:03]咁你而家會唔會星期六日同bb出街架??
    [版主回覆11/05/2012 10:26:15]不過星期6, 日對全日, 之後一到星期一又會特別掛住 @_@

    回覆刪除
  2. 嘩,一個月大就食四安奶,好大食喎!
    D便便好勁,醫生有無話咩事?
    [版主回覆11/05/2012 10:26:47]無睇醫生, 因為之後比左水水佢飲就好 d了 ~

    回覆刪除
  3. 係! 我係肥左!
    不過大把人肥過我! ====> 我咪就係其中一個囉,,,不瘦,,反而仲腫左!

    我第一日掉低亞仔時,,,都喊到傻左,,,老公仲嚇親...但係之後又覺得多左好時間做自己野,,,堅爽!!
    [版主回覆11/05/2012 10:27:17]不過番工有時會好掛住佢 >.<

    回覆刪除
  4. 嘩!由6.5去到12磅,真係肥得好快喎........
    [版主回覆11/05/2012 10:28:02]食得太多, 加上食奶粉 >_<
    醫生話食人奶重幾多都得, 食奶粉就唔得 (淚)

    回覆刪除
  5. 柑柑b好多表情,得意到爆!
    [c琪回覆11/05/2012 12:02:06]自己影囉, haha, 澳門都無好似hk咁多影相既選擇既
    [版主回覆11/05/2012 10:28:21]謝謝 ^33^
    你會影嗎?

    回覆刪除
  6. 柑B精靂可愛!!
    [版主回覆11/05/2012 10:28:35]thank you ^33^

    回覆刪除
  7. 我初頭番番工都有重生既感覺, 但無幾耐就...見少佢一日都唔得呀!!!
    [版主回覆11/05/2012 10:29:19]o really??
    可能我遲 d 又會o甘 ~

    回覆刪除
  8. 我出去幾個鐘覆診都覺得有重生o既感覺,衰到想唔返屋企住四圍行吓添呀,不過返到屋企又係好落力咁繼續湊B
    [版主回覆11/06/2012 12:00:17]依家番番下工都要睇下阿仔 D 相 ~

    回覆刪除
  9. 莎拉蛋糕Sarah Cake2012年11月5日 上午4:06

    柑B尾尾張相好精靈呀!
    我生完之後有啲牛仔富都著唔返,足足到咗4個月之後先勉強著得番呢!所以柑媽媽要加油呀!
    [版主回覆11/06/2012 12:01:17]不過我一向唔著牛仔富, 但 D 野件件都好底腰 >_<
    好彩冬天, 可以著 BOOT 遮一遮醜 :P

    回覆刪除
  10. 我好鐘意柑B縐晒紋幅相,因為我隻B都好鐘意縐眉架
    你宜家都係得111磅,咁你應該都好瘦,真係羨慕。果時我放完長假第一日返工,同BB講byebye時都有啲眼濕濕架,不過好快就適應番,但都會時不時拎啲相出黎吊下癮
    [版主回覆11/07/2012 14:15:26]依家番番下工, 我都成日睇下柑B d 相同 video
    不過愈睇愈掛住佢 >.<

    回覆刪除
  11. 柑B好得意呀
    [版主回覆11/07/2012 14:15:37]謝謝 ~ ^33^

    回覆刪除
  12. 柑柑,你精神很好,上手了應該舒服返少少!
    最尾果張相柑B好好好可愛和精靈呢 ~
    [版主回覆11/08/2012 22:44:21]謝謝小高 ~
    依家真係好多好多了 ~
    你睇我有心情扮靚打 BLOG 就知 ~ :P

    回覆刪除
  13. 柑b 好可愛呀!!! 好多表情呀!!! 而家白淨又靚仔返晒喇...keep住靚靚呀!!!
    柑柑...最緊要健康...肥少少都okay喇..
    [版主回覆11/08/2012 22:45:17]係啊 ~ 我都安慰自己, 年紀大左 (?) 太瘦會好乾, 肥少少 OK! (自我安慰)

    回覆刪除
  14. 湊b真係有好多學問, 又要擔心便便, 皮膚有問題又唔知點算好~ 好彩可以睇blog睇你哋既分享, 咁第時都知要點樣做~~
    [版主回覆11/08/2012 22:45:58]係啊 ~ 真係咩都擔心一餐 ~
    大家多多交流 ^0^

    回覆刪除
  15. YES,FTM唔易做,我而家有D唔上唔落.......
    [版主回覆11/12/2012 17:54:59]圓圓加油呀!
    [圓圓回覆11/12/2012 16:49:43]因為當初無諗到FTM係咁辛苦......
    [版主回覆11/12/2012 15:00:02]O甘點解話唔上唔落?
    因為未完全習慣?
    [圓圓回覆11/09/2012 22:16:24]我就係FTM......
    [版主回覆11/09/2012 17:24:54]o甘你依家是都要番工?

    回覆刪除
  16. 好多人都話金銀花有用,而家龍BB得幾日人仔面珠已有‘走米‘,吾知work吾work?!
    [版主回覆11/12/2012 14:59:39]因為聽講金銀花涼架!
    [版主回覆11/12/2012 14:59:22]O甘細個唔知得唔得 WOR!
    柑 B 滿月後先試的 ~

    回覆刪除
  17. BB好可愛呀~~~你都唔肥~~加油~我就慘啦~~~現在已去到126啦~~~~又生暗瘡~不過可能有咗後食多了1熱氣野~~~面又有福氣~~~~只好等待生完即減~
    [版主回覆11/12/2012 14:57:25]我琴日上磅, 突然得番 107LBS, 可能阿仔病, 搞到我咩胃口都無了 :(
    餵母乳會快 D 修身, 你會餵母乳 MA? (我到依家都好後悔無努力餵母乳, 所以你要加油啊!)

    回覆刪除
  18. 我今日第一日返工, 就係你講既咁啦, 無野做, 上網睇你BLOG, 哈哈!
    [版主回覆11/27/2012 22:48:51]話o甘快大家 d BB 都出曬世, 媽媽都番曬工了 :P

    回覆刪除
  19. Smart Baby Clothing2012年12月12日 下午8:02

    BB越大越可愛, 我都擔心緊要迎接BB出世, 擔心緊餵奶時間同減肥!

    回覆刪除
  20. 點算。我bb 食4安半但我仲有時差小小三個鐘就比佢食。佢成日喊到拆天
    [版主回覆04/28/2013 08:33:28]你餵人奶定奶粉?人奶feed on demand! 幾密都可以架!

    回覆刪除
  21. 我全奶粉啦~
    [版主回覆04/29/2013 14:14:17]其實如果可以, 4小時一次會輕鬆好多啊~
    不過你可以問下姑娘意見先~~

    回覆刪除