2012年12月31日星期一

♥ 柑 B 成長日誌 ♥ 第 4 個月 - 我抬頭了, 我認人了!



回顧 :

♥ 柑 B 成長日誌 ♥ 第一個月 - 媽媽抑鬱了?

♥ 柑 B 成長日誌 ♥ 第二個月 - 媽媽上手了, 但媽媽上班了

♥ 柑 B 成長日誌 ♥ 第三個月 - 柑 B 病倒了, 媽媽變瘦了

看著柑 B 一天天的成長, 真是一件非常非常開心, 同奇妙的事 ~
而柑 B 亦由一舊飯變成左一個又識認人又識扭計O既 BB 了 ~ :P

♥ 抬頭



一踏入 4個月, 突然就識抬頭了 ~
不過佢依然好唔中意 ~



如果女麻女麻都在場佢會用求救眼神望住女麻女麻 ~ HAHAAAA!


好用力 ~


 

好辛苦呀 ~


媽咪, 你滿意未? (咀都 wear 埋了 ~ hahahaaaaa)

♥ 認人


之前聽人講, BB 5 個月開始認人啦 ~
才怪!


柑 B 3個幾月已經開始認人啦!
佢尤其不喜歡比較有年紀的人 ...
例如: 奶奶的朋友又或者我 daddy mammy ~ XDDD


公公婆婆次次黎想同佢玩下, 佢都喊到拆天!
望下都唔比架 ~


但我 D 朋友仔黎同佢玩佢又 OK wor ...


公公婆婆好傷心啊 ~ hahahaaa ~


** 當然, 62 同 99 是例外的, 因為是米飯班主 ~
柑 B 一見到 62 同 99 就 4 萬o甘口 ~
不過佢見到我同爸爸都會好開心架 ~


♥ 轉奶粉


柑 B 已經完全轉食 Holle 了 ~
便便靚左, 而且之前勁厭奶, 現在有好轉了一點 (雖然都好似打仗)
或者柑 B 比較喜歡 Holle 的味道!


Holle 的價格是 $137/400g (盒), 如果樓上舗就是 $123~ (之前食能恩的價格是 $243/800g/藥房價)
如果第一次直接向代理訂就有 85折 ~ (max 訂 12 盒)


但 Holle 最最最不好的地方是, 紙盒!!!
非常不方便!
而且佢支 spoon 直徑很大, 我用 chu chu 瘦樽會成日有倒到 d 奶粉周圍都係 ...
即是如果改用寬口樽就不會有尼個問題, 但我個奶煲又只可以放瘦樽 ... @_@


♥ 奶量


柑 B 應該是細食 B
現在一餐是 5 安 (共 5 餐), 間中會食剩 30-60ML!


而瞓前一餐就加至 6 安。


現在我對厭奶採取的政策係, 佢唔食就算! (阿仔, 奶粉好貴架 T_T)
佢下餐餓就自然食得好快! 又或者佢喊就早少少比佢食 ~ (但一定不會早多過 30mins)


♥ chu chu 樽


如果有睇開我 blog 的 blog 友都知
chu chu 樽一度令我非常苦惱, 因為根本啜唔到/很慢
食一餐奶要足足 1 小時 -__-


但到了柑 b 4個月, 佢開始夠力啜 chu chu 樽
佢快起黎可以 15mins 食 5 安 (當然慢起黎亦可以 1 小時, 睇心情)


各位蒸 chu chu 樽時, 最好用佢附送的針吉住個奶咀孔來蒸 ~
因為我用左尼個方法之後食奶時間真是有改善!


♥ 反抗


開始愛反抗!
無輪換片定著衫, 佢都會一路反抗~

先使出飛無腿!
再使出無影腳! 甚至交剪腳 XDDD



當然最後也要屈服 ~ HAHAA!!!

不過除衫佢就一 D都唔會反抗架~


因為佢知道除衫 = 沖涼 ~
柑 B 超愛洗白白 ~ 睇下佢幾 enjoy!

有時我地幫佢換衫, 佢會以為沖涼, 當佢發現原來唔係沖涼時佢會表現出失落之情 :P


♥ 打針針


4個月去健康院, 體種是 6.6kg (出世是 2.96kg)
平均 50 線 ~
姑娘話增長平均, 很不錯 ~



(上) 打針前很得戚
(下) 打針後無表情 XD


話說第 2 個月打針時, 我也差 D 跟住喊 XDDD
今次我已經可以狠下毒手, 狠狠住捉佢隻腳仔比姑娘打針 ~

打第 1 針時, 佢都忍得住, 無喊。
到打第 2 針時, 佢好明顯都唔係覺得好痛, 而係覺得「唔對路」, 諗左一陣終於喊左 XD


而今次打針柑 B 亦有微燒, 食左 3 次藥。
而 2,3 天後就回復正常了 ~


♥ 搗亂亂


是不是所有 BB 也是搗蛋鬼? :P

BEFORE


AFTER (柑 B 小朋友, 你想去邊啊 ~)


而我亦影底左佢玩枕頭o既惡行 ...


♥ 有很多人也問我, 點解我仲可以成日打 blog, 又可以扮靚, 試新野?

原因很很很簡單!


我 time management 做得好? NO!
柑 B 很乖? NONONO!


就是因為我不是 full time mother XDDD


柑 B 是奶奶照顧, 所以我放工睇完 BB, 幾夜, 都仲可以有少少私人時間。
放假亦可以間中同老公/朋友去玩。


當然, 我失去的大概就是有某一些 BB 的成長片段, 甚至日後 BB 跟奶奶多過跟我‧
而我得到的就是經濟以及自我 ...


你問我喜歡這樣的現狀嗎?
我可以答你: 現在我很滿意!


我星期 6 都會去奶奶家過夜, 做 2 天的 FTM!
我已經不用做家務, 但已經覺得很很很辛苦!


所以 FTM 絕對是世界最辛苦 (但也是很幸福) 的工作吧 (?) XD


人生就是這樣, 有得有失, 而你地又會點簡?

祝大家新年快樂!
這篇是 2012年的最後一篇 blog 了呢 :P


23 則留言:

  1. 4個月柑B巳經周圍郁,厲害!果時一仔仍係蕃薯仔,好乖比我地任舞,但現在十個月已经係轉地龍,轉呀轉,要捉番先換到片!
    如果有得簡,我要做全職妈媽,然后每天請一個鍾点做幾小時家務兼煑晚飯 ~ 哈哈,2013年的願望呢!
    2013年新年快樂!快D收工去慶祝呀!
    [版主回覆01/02/2013 12:21:44]依家日日番工都歸心似箭, 奈何成日要 OT 加上要番大6做野 ...
    但為左 $$$$$$, 都要繼續努力 ~
    柑 B 未出世前成日想, 生完之後轉下工。
    生左之後就覺得都係穩定 D好 @_@
    要捱下去了!

    回覆刪除
  2. 莎拉蛋糕Sarah Cake2012年12月31日 下午5:47

    Happy 2013!!! 祝你同柑b 及家人都身體健康呀!!!
    而家出面賣奶粉真係好似打仗咁, 又貴又難買, 所以食holle無咁多大陸人食, 比較易買都好加. 如果用佢支spoon倒奶粉好難, 可以先量奶粉在奶粉格, 之後一次過倒入奶樽, 呢個方法有另一好處係唔怕自己唔記得量到第幾匙, 如果唔記得咗可以再量過.
    [版主回覆01/02/2013 12:23:56]其實我都是用奶粉格, 但我奶奶比較中意就o甘倒, 所以就由佢了 ~
    依家 holle 都多左人食啦 ~
    因為多左地方有! 希望唔好o甘多人食啦 ~ XDDD

    回覆刪除
  3. Happy 2013~~~
    你可以試下用刀片界大d個咀 我個女都係用chuchu 初初bb啜左好耐啜到攰唔肯食奶 界大個咀之後出奶多d bb食得好順暢而且食得好快
    [葉千千回覆01/03/2013 10:33:01]小芊芊一開始係用母孔咀的,因為一啜奶量太多吞唔切, 個半月大開始轉十字咀,第1次見佢啜得好落力但d奶好似冇少過, 啜左幾分鐘原來都冇啜過一滴,爸爸研究左個咀一陣就自己走去搵刀片界大個咀喇, 同埋新咀要蒸多幾次等佢軟身d,bb啜奶就會出得好d
    [版主回覆01/02/2013 12:24:55]依家都叫食得 OK ~
    你 BB 幾大先開始界大d個咀??

    回覆刪除
  4. 柑柑, 我選擇會同你一樣, 我會請工人湊bb, 但唔代表我唔錫佢, 只係我都想有自己既人生同生活, 我會利用放工時間去同bb溝通傾計, 我諗都無諗過要做FTM, 我仲好想扮靚, 去玩, enjoy life, 所以..我支持你呀..haha~~~~~~
    [版主回覆01/02/2013 12:34:11]其實我覺得人人都有自己選擇!
    最緊要是自己開心, BB 又可以健康快樂o甘長大就 very good 了!!
    有時聽 d 人講要自己照顧 BB + 大仔/女, 又要做家務同煮飯, 真是女鐵人!!!

    回覆刪除
  5. "媽咪, 你滿意未?" 果張相好好笑
    我就算係同奶奶同住,始終要返工,BB都係親奶奶多過親我架。之前試過做幾日FTM,都覺得真係勁忙冇得抖,所以畀我都係想做在職媽媽多啲,最多放工放假陪番佢多啲(雖然有時放假都會放甩佢同老公出街)
    [版主回覆01/02/2013 12:36:47]有時同老公/朋友出街, 個身體會覺得爽啊 ~
    但個心又好掛住 bb ~~

    回覆刪除
  6. 新年快樂...
    chu chu咀其實唔岩咁細個bb用架, 所以我用chu chu樽都換左pigeon咀, 到我囡宜家大左, 我先用番chu chu咀咋~
    [版主回覆01/02/2013 12:40:18]我試過用pigeon咀, 柑 B 唔中意, 同喊, 可能柑 B 同我一樣係一個唔中意改變O既人 ~ XDDD

    回覆刪除
  7. 咁b識治頭就可以教佢翻,現在我日日都教南瓜仔翻身,唔知佢幾時可以翻身自如呢!?

    點解柑b會係張床郁來郁去!?南瓜仔從來無郁過(只係手手腳腳郁,身體無郁),係唔係佢有問題呢!?
    [嘉路回覆01/04/2013 14:48:39]你上網打tummy time,有好多人post 左短片出來,各人教法都不一樣,你可以試下邊樣適合柑b!!

    南瓜仔都唔係好想翻身,可能太多衫,我見d人教翻身都係短衫仔,所以都係同佢玩一陣!!
    [版主回覆01/02/2013 12:44:06]點教佢翻身??
    可能南瓜仔乖D, 無柑 B o甘捣蛋 :ppp

    回覆刪除
  8. 柑B搗亂張床好攪笑呀!!!
    柑柑你就好明艷照人~
    我都同意你講, 返工會做返個正常人多D, 起碼會為左要見人, 執返好自己先!
    [版主回覆01/02/2013 17:30:48]我星期6, 日做 ftm 那 2 天就是扳頭散髮, 油光滿面 ~
    就是要上個廁所也要得到柑 b 大人的恩准 @_@

    回覆刪除
  9. 查媽【美子】2013年1月2日 上午6:52

    同你一樣,我都係想要經濟同自我!我下星期返工啦!可以過返以前既生活!
    [版主回覆01/04/2013 09:42:59]不過成日o係公司都會好掛住 BB ~ :PP

    回覆刪除
  10. 我都好驚同龍BB去打針,見到佢比針吉完喊真係心都痛埋!
    [版主回覆01/04/2013 09:43:34]我已經習慣左啦 ~
    有時仲會覺得好搞笑 <--- 衰媽

    回覆刪除
  11. 柑B今個月大個左好多
    Littleball又係成曰無影腳
    換片時心腳踢埋我度
    [版主回覆01/04/2013 09:44:12]但換完片佢又會好開心 ~
    可能舒服曬 ~~

    回覆刪除
  12. 柑B真係大個仔左好多
    [版主回覆01/04/2013 09:44:26]BB 真係大得好快 ~~~

    回覆刪除
  13. 柑b好似肥美左, 個樣都好似唔同左! happy new year ah!
    [版主回覆01/04/2013 09:44:49]希望愈來愈似我, 唔好似佢爸爸 ~ XDDDD

    回覆刪除
  14. 繼續好可愛,媽媽有自己嘅天地都係好重要嘅
    [版主回覆01/04/2013 09:45:33]希望我第日唔好後悔啦 ~ >.<

    回覆刪除
  15. 滿意自己的生活好重要呀! 最緊要開心又見到柑b.
    我暫時都做唔到呀, 而家keep 住諗/揾緊解決方法.

    好鍾意你post 既相, 柑b好可愛, 又活潑.
    [版主回覆01/07/2013 13:47:32]o甘真係一定好掛住 ~
    因為我依家放工日日去睇佢, 我都會好掛住佢 ~
    不過如果做 FTM, 得老公一個搵 $ 真係唔掂, 我自己根本無得簡 ~
    [Tareworker回覆01/04/2013 22:25:12]係我媽咪揍, 住得唔算近, 而且我10/11pm放工, 去到都12am, 同埋tarebaby 都應該訓左.

    之前計劃星期中一定會返媽咪屋企睇tarebaby, 但係而家絕對做唔到. 所以weekend 好珍惜同tarebaby 一齊既時間.
    [版主回覆01/04/2013 15:03:29]o甘你地是請工人嗎?
    即是你放工之後, 回到家已無咩時間照顧 BB?
    我都是 99 照顧, 平日放工去 99 家睇一睇佢就番自己屋企了, 都只是玩得一陣 ~
    之後好怕柑 B 唔認得我, 好彩佢依家見到我都老公都會笑 ~
    [Tareworker回覆01/04/2013 13:30:43]我係返緊工呀, 放產假後轉左role, 忙到有一半日子係10/11pm 先收工, 之前完全冇預計過.
    平日見唔到tarebaby又唔夠休息, 假日揍番tarebaby 雖然冇得抖, 但係好開心.
    以而家我既返工情況, 我唔想維持落去到tarebaby 1歲, 因為想多d時間同佢一齊成長.

    ftm 想做呀, 不過要老公都覺得ok 先得. 我自己既行業未必quit 左幾年後, 再做番野事時會好易揾到, 所以都要諗清楚.
    [版主回覆01/04/2013 09:46:02]即是你番緊工但其實想做 FTM?

    回覆刪除
  16. 柑b又大個0左好多喇~真係想錫啖先!
    最緊要係滿意自己0既選擇之嘛靚媽~~
    [版主回覆01/04/2013 09:46:52]有時睇到佢O既笑容, 我真係成個人都會溶化左 ~ XD

    回覆刪除
  17. 我最鍾意bb笑。柑b好有笑容。要健健康康。
    一定要扮靚呀!我已經期待修身扮靚。但同時我應該要有一段時間係ftm.
    [版主回覆01/07/2013 13:45:20]我起初都跟醫院 ~
    你出院前叫老公買定就 ok ~
    [Yuki +Anki回覆01/06/2013 14:49:27]未呀~我諗緊買唔買定~定等醫院食咩奶粉先買~
    [版主回覆01/04/2013 17:45:34]加油啊 ~~
    o甘簡左奶粉未?
    [Yuki +Anki回覆01/04/2013 15:12:24]會呀。餵到咪餵囉。我覺得會辛苦所以實會補奶粉
    [版主回覆01/04/2013 15:04:13]佢平日最中意皺眉, 唔係成日笑架 ~
    O甘你會餵人努嗎?

    回覆刪除
  18. 80' 後媽咪遇上 10' 後 baby2013年1月4日 上午4:28

    柑柑做左媽媽都成個少女咁, 好羡慕哦......
    [版主回覆01/07/2013 13:47:08]少女又真係誇張左 D LAW .... XDDDD

    回覆刪除
  19. 6.6kg....好令人羨慕
    柑b好叻仔喎~識自己揸住個奶樽飲奶
    [版主回覆01/07/2013 13:49:22]都 OK 啦 ~ 50線 ~
    我見媽媽會好多 BB 都是 80線以上, 95線都有 @_@

    佢唔識自己揸住個奶樽飲奶, 佢搞搞震 JOR!

    回覆刪除
  20. 柑B好可愛!第一張相最靓又cute!
    [Annie回覆01/09/2013 21:56:34]你唔講都唔觉呢!
    [版主回覆01/09/2013 15:18:47]有火車軌 ~ XDDD

    回覆刪除
  21. 柑B越大越可愛呀!
    [版主回覆01/09/2013 15:19:00]謝謝 IVY ~ ^3^

    回覆刪除
  22. 做FTM要付出既可能比在職MUM更多呢! 而且責任感更重~ 如果唔係生得多要自己湊的話, 都會揀keep住做野, 養小朋友太貴了, 始終多個錢旁身都安心d~
    [版主回覆01/09/2013 15:20:07]做左媽媽之後我覺得媽媽唔係好偉大, 而係好辛苦 XDDDD

    回覆刪除
  23. 哈哈,真係個個BB係訓前訓後係兩個樣!做FTM真係好辛苦,所以一有機會真係要休息,如果吾係少D精力都吾掂
    [版主回覆01/09/2013 15:20:03]所以我都好感謝我奶奶呢 ~

    回覆刪除