復活節前夕我同老公帶住興奮o既心情, 帶柑B 回家, 之前仲帶左佢行下街街, 食埋dinner ~
食dinner 時柑B 已經一臉眼瞓樣, 我心諗仲唔得米, 以為佢一番屋企一家倒頭大睡。
當然, 幻想同事實點都有少少距離o既~
平日習慣 8:30pm 瞓o既柑B一直非常興奮, 咩都玩一餐。
唔知係唔係我諗多左, 我覺得柑B好開心, 好中意我地帶佢番屋企XD
因為柑B平日好少對我笑到卡卡聲,
但番到屋企佢咩都笑一餐。
搞到我非常開心, 不過開心還開心, 佢唔瞓我都係有D 困擾XDDDDDD
結果平日習慣 8:30pm 瞓o既柑B一直玩到10:30pm 先瞓 ~
而我同老公即把握時間沖涼洗衫之後跳上床。
第日一早5:30am 柑b 叫食, 之後再瞓到9am。
(因為床圍未乾, 柑B d 手手腳腳完全卡曬出床欄)
完全唔入廚o既我亦開始為柑B 準備午餐。
因為柑B 唔肯飲水水, 所以我煲左萍果 + 雪梨(少少) + 栗米水比柑B。
之後再將D萍果比埋柑B食~
柑B非常欣賞, 成日飲左 3,4安~~~ (是非常好的成績了!)
午餐是蕃茄薯仔肉肉粥, 不過柑B 唔多欣賞XD
之後比柑B 食下牙仔餅。
第一次食好似發現新大陸o甘, 中意到不得了。
食食下我同柑B 講: 你累咪挨住媽咪 law!
結果柑B 真係成個人挨住我。
哎呀, 你係唔你真係識聽架,
lum c 媽咪啦~
之後就3點瞓到5 點, 我同柑爸亦補眠一下。
而惡夢亦正式開始, 5點之後柑B一直一直唔肯瞓, 玩到12點-___-
我同柑爸2人互相接力亦筋疲力竭 …
第2日一早5:30am 柑b 又再叫食, 之後再瞓到7:30am
因為我太累我見佢醒左無喊就無理佢啦。
之後我開始聽到d 拍拍拍聲, 我偷睇下, 柑B一路打D 床欄自殘…
終於柑爸忍唔住抱起佢, 我亦開始準備柑Bo既午餐。
是日午餐係蕃茄薯仔肉湯底薯蓉。
柑B非常欣賞, 一路食一路卡卡大笑同追食。(我) 好開心~
之後洗洗下野, 柑爸突然大叫: 嘩! 你個仔好咸濕呀!
阿仔, 你唔好咩都放入口好唔好??
晚上就是但食杯麵, 當天柑B 玩到11點先瞓。
第3日, 柑B o既午餐係節瓜+甘筍蓉, 柑B都幾中意架!
之後再補左少少糊仔。
然後我有朋友來睇柑B, 尼個膽少柑B 一路由頭喊到尾。
晚上同公公, 婆婆, 舅父仔同太婆食飯。
我地食飯時柑B一路扮乖。
自己坐車車玩, 又自己笑笑, 得閒又聊下公公婆婆, 搞到2 老非常開心。
之後就將柑B 帶番99 度, 而我腳都未踏入門口, 柑B 就比爺爺抱走左XD
之後佢地2 爺孫自己坐埋一邊玩, 我同柑B bye bye, 佢眼尾都唔望下我…
而柑媽的 3 天 FTM 亦完結了~
唔知點解打blog 回想番又幾輕鬆, 事實真係累到隻狗o甘。
對手抱B 抱到好似壞死左o甘, 又完全沒有自己時間 …
所以我要再一次向所有FTM 致敬 (立正)
Our fanspage:
放假呢幾日攰還攰, 但真係好回味日夜黐實亞仔既生活...但現實又真係有啲體力不支..
回覆刪除[版主回覆04/05/2013 11:58:29]加上昨天又出左大半日街, 我真是筋疲力盡了~xd
心靈上的快樂, 肉體上的墜落XD
挨住媽咪食餅好sweet呀...冧得媽咪好開心
回覆刪除[版主回覆04/05/2013 11:58:44]係呀, 真係非常開心~~~
柑 b緊 係 知 道 返 0左 自 己 屋 企 開 心 到 唔 捨 得 瞓 ~~~
回覆刪除爺 爺 好 搞 笑 ! 未 入 到 門 口 就 抱 起 柑 b兩 爺 孫 敘 舊 !
未 有 小 朋 友 之 前 放 假 都 覺 得 累 過 返 工 , 何 況 多 一 個 b?
[版主回覆04/05/2013 12:00:39]所以我真是很佩服FTM!
有時d人以為 FTM 好輕鬆, 真是太傻太天真了~~~~
[Annie回覆04/05/2013 00:26:04]你講了三項都係我的心声,ha,我唔駛写多一次!
但我要加句d相柑B好可愛,尤其是食牙仔餅果张^o^
柑B好叻呀,咁欣賞媽媽煮既食物.......
回覆刪除[版主回覆04/05/2013 12:00:59]不過我只識整D 好簡單的食物 ...
好明顯係知道跟爸爸媽媽返屋企,開心到唔捨得瞓啦
回覆刪除[版主回覆04/05/2013 12:01:15]其實我都o甘覺得架XD
唔係丫~~我覺得你都做得好好呀
回覆刪除[版主回覆04/05/2013 15:26:12]柑媽會繼續努力!
haha,柑B持左brabra 食
回覆刪除[版主回覆04/09/2013 12:38:36]同爸爸一模一樣xdddd
又唔覺柑B好痴你99 喎, 完全無扭計~ 幾乖呀~
回覆刪除[版主回覆04/09/2013 12:38:52]係一個貪玩BB ~ XD
我都有試過俾牙仔餅Yin B食..不過佢唔多like..因為要咬住好耐先食得一d d..
回覆刪除對大食的Yin B黎講真係好睇唔好食= =''
[版主回覆04/12/2013 23:11:21]柑 b 暫時只試過好少野食, 所以對佢黎講非常新奇好味 ~~