回顧:
♥ 柑 B 成長日誌 ♥ 第九個月 – 男子漢! 為捍衛地盤而戰!事實上是一個膽小鬼。
有次搭輕鐵佢同一個陌生叔叔對望左好耐。
突然偏左下咀仔就默默流淚。
好明顯佢已經忍左好耐XD
個叔叔仲同我say sorry 話唔係有心嚇佢 … (其實人地叔叔咩都無做過)
之後柑B一直悶悶不樂, 就算我比星星餅佢食, 佢都無咩表情 (不過有不停食)
心情好出街會狂聊陌生人。
但人地聊佢佢又會喊架wor!
牙仔
柑B 終於出牙仔啦~
(其實無牙仔也很可愛)
柑B 的食量
咩都中意食, 除左奶-_-
近日我地食飯都會比d 白飯佢咬, 亦有比白麵包佢食。
仲試左芝士, 同BB布丁 (中意到尖叫)
食左第日d便便會有好多火龍果核XDDD
好多BB一早都識自己拎樽自己飲奶,
但柑B一直都唔識。
但後來我先發現佢唔係唔識, 而係懶。
因為佢餓時會自己拎住個樽係o甘啜啜啜!
但大部份時候都極懶要人餵… (都唔知似邊個… 心虛ing)
繼續是: 3奶2固
發脾氣
近日柑B很愛發脾氣!
只要一有不快就會大叫大喊!
佢就扮曬野, 真是沒佢辦法! 點算?
我真係唔想柑B 變港童!
企, 行,
坐, 爬
自從開左網床之後, 柑b一下了就學識爬再坐再企。
我估係因為佢發現網床點跌都唔痛, 所以就放膽去試~
柑B張網床好靚架, 仲有個口可以開~
不過一開左個隧道就次次都撞親頭XD (係我錯, 因為我分左心)
馬騮仔
其實柑B早一個月都仲未識爬架。
但一個爬都唔識爬o既BB竟然可以好敏捷o甘爬 sofa!
比人笑佢第日可以去搶包山。
比人禁止爬 sofa 後就開始發脾氣!
玩線頭
之前上course 話BB 會開始喜歡玩一些細微又無聊的東西。
就像是地上的一粒塵, 一條頭髮, 一條線頭。
睇下柑B, 玩尼條線頭玩左成5分鐘! 玩到胎都爆埋~
伸手= 要
柑B 是最近才開會了伸手。
如果得不到就會大叫, 真是愈來愈惡了!!!
叫爸爸
上個月不停叫媽媽。
今個月不停叫爸爸。
柑B真是超喜歡爸爸!
每次見到爸爸也會非常興奮。
見到我就只會好冷靜o甘伸手…
(眼還在望電視)
嗯 … 我輸了T_T
然後也說一下。
之前join 了bb care 的「在家教playgroup」
其實也滿有趣的, 不過一上完堂好多野都唔記得曬lu!
但比較深刻印象的是, 那些有閃燈有音樂的玩具其實不是太好。(IPHONE/IPAD 就完全不用說, 是垃圾! P.S. 我喜歡垃圾!)
有閃燈有音樂故之然是吸引, 但當小朋友玩慣左一d
o甘「有趣」o既玩具, 第日一d比較簡樸/益智o既玩具佢還會玩嗎?
老師比較建議o既玩具係一d自制/木制的玩具。
而我都買左D木玩具比柑B。
這個小木琴, 玩左幾次佢已經玩得頭頭是道。
小木鼓, 柑B化身小鼓手!
而最有趣是一開始柑B唔識分支鼓棍邊邊係頭,
邊邊係尾。
但睇我地玩左幾次之後佢就知道紅色圓形果面係頭, 要用果面去敲。(太神奇了~)
這個柑B唔太識玩XD
有人要來我的新居玩嗎? XDD
相關閱讀:
♥ 柑 B 之誕生 ♥ 屯門醫院催生記 (上)-
產前房瞓街篇
♥ 柑
B 之誕生 ♥
屯門醫院催生記 (中)- 零止痛下的順產篇
♥ 柑 B 之誕生 ♥ 屯門醫院催生記 (下)- 被遺忘在產房的我
Our fanspage:
唔鐘意食奶,但鐘意食固體食物都ok,始終將來都係以固體食物為主。
回覆刪除柑b 好可愛呀
[版主回覆06/20/2013 16:41:08]我見有D BB, 4, 5個月已經自己拎樽啦~
柑B 唔好話拎樽, 佢乖乖飲曬我都好感動了~
所以太明白你感受~ :P
可能再大D, 南瓜仔開始食大人食物會好D, 或者佢唔中意小朋友口味(?)
好彩雖然南瓜仔唔算大隻仔, 但看上去都有肉地, 很可愛 ~ ^33^
[嘉路回覆06/20/2013 15:25:36]唉,好似我阿囝,奶又唔係好LIKE,固體食物更唔LIKE,咁咪仲煩!!
話時話,我覺得要識拎奶樽食,最重要係佢鐘意食奶,我見到咁多BLOGGERS分享,佢地既BB識拎奶樽,全部都係鐘意食奶,柑B同南瓜仔都係唔多LIKE奶既B,所以咪唔會主動拎奶樽食奶囉,雖脄我好想南瓜仔識拎住奶樽食奶,但我更想佢10分鐘內食完支奶,所以我決定放棄教佢自己拎奶樽食!
[版主回覆06/20/2013 15:20:43]不過健康院話1歲前, 奶依然是主糧, 所以我希望佢可以飲多少少~
妹豬又係咁,佢撩人就無事嘅,人撩佢就爆喊
回覆刪除柑b張網床好正呀,重有個隧道
[版主回覆06/20/2013 15:22:19]依家d bb 好惡XD
唔比人聊~
不過個隧道一開, 佢就會跌, 次次都嚇C 我, 我就唔敢再開啦~
原來有閃燈有音樂o既玩具係吾好, 不過我覺得佢地都係鍾意玩玩具以外o既野多d, e.g. remote, 鞋...真係吾知有咩好玩
回覆刪除[版主回覆06/20/2013 15:23:34]總之愈唔比佢玩o既野佢就愈要玩~
你比一埋野佢, 佢都唔玩架~
eg: 搖控, 電話, 拖鞋-_-
而家龍BB 7個幾月未識向前爬,但佢又係好鍾意爬,不過吾係爬梳化,係爬佢Daddy(抱住佢會踩Daddy肚腩咁上)
回覆刪除[Tareworker回覆06/24/2013 23:55:45]TAREBABY 會係我抱住佢時, O係我肚上面行, 好似爬樓梯咁...
[版主回覆06/21/2013 09:33:09]O甘唔通BB 要企, 我地扎住佢唔比佢企咩 ~
柑B 都係先企同行, 再學爬, 不過佢非常唔中意爬, 係一個十級懶人...
[米奇回覆06/20/2013 17:39:19]我個B都係中意企/行, 不過親戚話佢地D骨未夠硬淨吾好俾佢咁早企/行會腳型吾好(O型腳), 吾知係吾係真...
[版主回覆06/20/2013 15:43:53]柑B 都係先企同行, 不過睇書話要「爬」先對手腳協調好, 所以我都 prefer 佢爬多d ~
[嘉路回覆06/20/2013 15:29:08]龍BB咁鐘意企,可能真係會跳左"爬"呢一步,未識爬可能已經識行!
[版主回覆06/20/2013 15:24:40]柑b 9個幾月先識爬呢!
hahaaaa ~ 柑b 都中意爬daddy 架, 但又唔會爬我~
可能 daddy 個肚腩夠大XDDDD
你個blog寫得好好呀! bb每個月大概成長到什麼程度, 學識咩野, 在我心中開始有d印象啦
回覆刪除估唔到轉眼間柑b就10個月, 由你有左睇到而家, 真係好夢幻
[版主回覆06/21/2013 09:35:08]你BB 也轉眼出左世啦~
所以我成日覺得我地係並同作戰o既戰友~
柑B越大越可愛喔~
回覆刪除我的經驗話你知..BB越大越扭計得多..仲要唔知佢咩事先頭痛囉~
今早開奶~Yin B無理頭喊到拆天咁..開完奶俾佢又唔飲><"
最後要Yin Ba抱住先收聲= ="
[版主回覆06/21/2013 09:39:07]有時佢好累, 又唔肯瞓, 之後又要扭計我就會覺得 ^&*&*(^%&%*&%
不過佢一瞓著左就覺得佢好可愛XDDD
柑b幾叻仔喎,睇吓就識玩啲玩具,燒腩仔到宜家都只係識每樣野都放入口咬
回覆刪除btw,想問bb care個在家教playgroup得唔得,我都有d興趣想報呀
[版主回覆06/26/2013 11:08:09]我覺得 ok, 不過我建議 2公婆一齊上, 因為我上次自己上, 我回家講比老公聽, 佢唔太信...
[Tareworker回覆06/24/2013 23:59:28]我都有興趣上呢個班呀, 艾菲有冇興趣一齊上? 8月堂有得報名啦~
[Ivy回覆06/21/2013 16:08:50]嘻...我係講緊你上咗個畀父母的course「在家教playgroup」呀
[版主回覆06/21/2013 09:41:11]燒腩仔細過柑B 架ma!
bb care我只上了父母上的course, 並不是上左佢個playgroup ~
所以唔知好唔好呢 ~ 如果有試堂你叫埋我呀 ~
個網床真係 super good 呀,好得意呀
回覆刪除原來柑b 最愛爸爸.....估佢唔到啊.....
[版主回覆06/21/2013 09:41:23]哼~ 我嬲 ~
唉, 我個細佬仔又係超惡
回覆刪除一阻止佢做任何野, 就會尖叫, 大叫
有時, 0係地鐵遇到佢咁大叫, 就唯有就下佢, 俾佢做佢想做0既事喇
點知, 好似助長佢氣焰咁, 可能佢0既角度更加覺得, 大叫就可以得到一切吧
唉, 超難教呀, 大家加油喇
[版主回覆06/21/2013 09:48:02]如果o係街, 小朋友發脾4真係好無奈, 我見過, 未試過 (柑b太細)
但單單想像已經 ...
[版主回覆06/21/2013 09:44:55]柑b 仲有爺爺女麻女麻撐腰就更加氣焰!
有時我好認真話柑b, 佢地就笑-_-
又或者我話佢, 佢喊啦, 爺爺即抱, 錫番, 柑b會成隻樹熊o甘 pat o係爺爺身上, 仲要偷望下我好似同我示威! (噴火)
係未知道爸爸唔鬧佢, 先特別喜歡爸爸呢???
回覆刪除[版主回覆06/21/2013 16:06:20]爸爸要做大好人~
柑b可能下個月又不停叫返媽媽呢~~~~
回覆刪除始終bb都係痴媽媽既, 放心..哈哈!!
[版主回覆06/21/2013 16:06:35]其實我都OK O既~
尤其係佢好早起身 (EG: 5AM) 最好叫爸爸唔好叫我XDDDD
柑B好叻呀, 睇你地玩幾次就識自己玩~~~~
回覆刪除[版主回覆06/21/2013 16:07:00]其實BB好似海棉, 我地做咩佢就做咩架啦~
我都有呷爸爸醋...有時覺得BB係佢手上好似開心過自己抱住.........唉....
回覆刪除[版主回覆06/26/2013 10:56:47]柑b 有時打開我隻手只要爸爸 TIM ~
佢地成日變,今日可以叫媽媽,聽日就吾睬你要爸爸,哈哈!
回覆刪除柑B咁快就十個月人仔啦,都識好多野,媽媽叻叻
[版主回覆06/26/2013 10:57:12]柑b 有時打開我隻手只要爸爸 TIM ~
不過我又OK 架~
爸爸慢慢抱XD
好好笑。同呀叔對望。又無表情係咁食。你有個可愛b。
回覆刪除[版主回覆06/26/2013 10:57:27]膽小的柑B ~
「就算我比星星餅佢食, 佢都無咩表情 (不過有不停食)」
回覆刪除不過有不停食係重點, 哈哈哈哈哈
[版主回覆06/26/2013 10:58:33]係呀 ~ 佢好中意食架~~
柑B真係日日都有新鮮事﹗可能佢多D時間見到媽媽,所以冇咩特別反應,反而爸爸比較少見到就會興奮D~~
回覆刪除[版主回覆06/26/2013 10:59:13]唔會啊~ 我同爸爸平日一日見唔夠1 小時~
哈哈好搞笑,同叔叔互睥完要默默流淚
回覆刪除柑B咩都鐘意食咪乖乖囉,媽咪煩少一樣野呀
[版主回覆06/26/2013 10:59:33]但佢唔食奶呢...
我終於有時間嚟探訪喇
回覆刪除見到柑B 咁大個好羨慕
我呀B 好扭計, 幾時得佢大識自已玩自已訓
[版主回覆06/26/2013 11:03:09]依家真係睇少眼都唔掂, 極頑皮極多手
周圍爬周圍搞, 真是非常非常的體力勞動!
一唔中意又大叫, 發脾4 ...
絕對是不輕鬆的~
同陌生叔叔對望期間可能已經用腦電波交流左好多架喇!
回覆刪除[版主回覆06/26/2013 11:03:33]ET? XDDD
我想問你個琴係邊度買!?幾錢呀!?
回覆刪除[嘉路回覆06/26/2013 20:46:26]THANKS~~~
[版主回覆06/26/2013 15:21:18]http://item.taobao.com/item.htm?id=16324888418
[版主回覆06/26/2013 11:04:44]淘回來架, link 要遲d 先搵到比你~
估唔到柑b膽細細呢!
回覆刪除小芊芊好中意同bb玩ga 不如柑b同小芊芊做朋友仔吖
我身邊冇咩朋友同我差唔多時間生bb-,-
[版主回覆06/26/2013 15:15:24]唔得呀, 日日都有節目, 最快要7/20開始的星期6,日 先得閒~
又有bb gathering, 又有bb gym 又去試堂etc...
不過 6/30 我地YBLOG mama 有gathering, 你沒join ma? (是Gen mama 搞的~)
[葉千千回覆06/26/2013 14:30:53]good good good~~~
今個星期六/日可以嗎?
[版主回覆06/26/2013 11:05:13]小芊芊o甘靚女, 緊係好啦~
得閒可以去我屋企玩架~