2013年11月7日星期四

決不做怪獸家長 ♥ 我心儀的屯門 N 班 ♥


我真心希望柑B 有一個快樂童年, 所以選幼稚園 (N) 我也是選活動式教學, 快樂學習的幼稚園!
 

之前也有報了私立的宏廣, 雖然有下午班 offer, 不過我最終也放棄了。(沒交留位費)
感覺上私立學校會比較催谷學生成績。
不是指其他方面不好, 只是會比較多功課, 教程也會比較深, 但當然師資可能較好, 父母當然要取捨。

我心儀的是安定 YWCA, 青山聖彼德堂以及屯門啟思。(不考慮屯門以外的學校)
3
家也是比較活動形式教學~

(1) 很喜歡安定 YWCA, 去完簡介會變成了超級喜歡!
這家學校只是4個班別同全日制, 下午時間混齡上堂。
而且校長話完全無默測!!!! 而且有繪本教學, 閱讀計畫! (與其他的學校有點不一樣很特別)
不過 group interview當天柑B 扭眼瞓 (仲要係混齡 interview...)
其實仲有一次1:1 interview 機會, 不過都應該凍過水 :p

(2)
屯門啟思 : 回顧
面試前有上網看一下會interview什麼。
結果一大堆資料, 原來每家啟思o既行政都分開, 即是說interview的內容也不會一樣。
就好似九龍塘啟思會考得深少少, 但屯門啟思面試內容我覺得人性化, 完全可接受。
起碼老師只係叫下柑B 個名睇下柑B 有無反應, 而唔係好似宏廣個國語老師問一個13個月o BB識唔識用國語讀自己個名… (人地連講野都未識law, 真係唔該曬!)
不過我也完全沒train B, 聽天由命了~ XD

(3)
青山聖彼德堂
B的堂哥哥正在諗 K1, 算是屯門非常出名的名校。
哥哥讀得很好, 校舍也很大, 不過學位好少。
1
月才開始接受申請 (明顯對自己很有信心)
但不開放參觀, openday 暫不知幾時有 ~

我有時同朋友 share 我這種想法時, 總有人會打擊我, 你依家簡尼d 快樂學習o既幼稚園, 又無默測, 上到小學一定唔習慣架! 你第日要還架! 你到時就會後悔law! 你依家係先甜後苦!

我真係好想問, 你想要一個2o既小朋友學習什麼?
學習默書測驗? 不停要溫書做功課? 還是要快樂童年?

我知道o係香港尼個風氣之下真係好難取捨!
不過簡左就唔好回頭, 你要怪獸就努力怪獸下去。
我要快樂, 就繼續快樂下去, 大家又不妨放長雙眼睇下我幾時開始要還~ XDDDD


我都唔怕打開肚皮, 我以前從唔努力讀書。
但現在生活可算不過不失, 比上不足比下有餘。
我想說, 如果柑B想過的並不只是比上不足比下有餘的平凡生活, 你就自己再努力一點, 這個媽媽是幫不到你的! XD
正如, 你千萬唔好幻想我會買樓比你結婚, 因為我自己果層都有排供~ HAHA! (
但無論如何你都要比家用我! )


25 則留言:

  1. hello~你仲記唔記得Angus bb啊~~~~我開左新BLOG喇~~~~^^~~ANGUS都有同柑柑B一樣的波波。嘻嘻~~~~~~支持你,我都唔想做怪獸家長,相當年我地都無咁早學咁多野,而家呢D時候梗係從玩樂中學習的嘛~~~~~~~

    回覆刪除
    回覆
    1. 完全同意, 打後的人生會很辛苦, 現在就比佢地開心多幾年~ haha~

      刪除
  2. 柑B媽你好睇得開呀!
    支持你唔做怪獸家長!
    但我要繼續做半個怪獸家長呢!
    希望柑B都得到依3間的offer!

    回覆刪除
    回覆
    1. 失敗左lu, 不過好彩啟思收左柑b下午班~~

      刪除
  3. 無論如何你都要比家用我 <- agree X100 ~~~ :P

    回覆刪除
  4. 哈哈!笑咗>>你千萬唔好幻想我會買樓比你結婚, 因為我自己果層都有排供~ 但無論如何你都要比家用我!
    同埋叫連講野都未識的B用國語讀自己個名,原來而家要咁…
    其實你有學識,如果學校不足,自己教吓B得唔得?我咁唸啱唔啱?

    回覆刪除
    回覆
    1. 唔得啊, 因為我要番工, 一日對佢都唔夠2個鐘~

      刪除
  5. 正如, 你千萬唔好幻想我會買樓比你結婚 => 呢句我好似聽我老公講過, WHAHAHAHA!

    柑媽有咁清晰既方向, 柑B 一定係個開心B~

    回覆刪除
  6. 我吾信讀果d 第時吾使還,幼稚園。應該快樂咁過!雖然讀書緊要。但睇佢自己喜歡啦!

    回覆刪除
  7. 成世人流流長大把機會挨, 如果BB 階段都要谷佢好慘架! 我都想自己個女開心快樂咁過~

    回覆刪除
    回覆
    1. 我捱左廿幾年, 仲有好多年要捱, HAHA ~

      刪除
  8. 支持柑媽既想法~
    依家做怪獸唔難, 唔跟風做怪獸先至難~
    祝柑B入到心水學校~

    回覆刪除
    回覆
    1. 不過我本身HEA 底, 所以真是沒有太緊張!

      刪除
  9. 一定支持你,因為我都一樣,嘻嘻...

    我到宜家搵N班都係懶懶閒(因為燒腩仔係細B,只係報咗兩間會有interview),覺得反正自己湊讀唔讀都無乜所謂,成日覺得佢哋咁細個人仔,畀佢玩多D有個快樂童年好過,要做讀書機器默書測驗大把機會,唔差在宜家咁快就谷到佢咁辛苦﹗

    回覆刪除
    回覆
    1. 再加上柑B是8月B (雖然不是細B) 但其實同細B沒分別 ~
      所以根本好多野無得迫~

      刪除
  10. 支持柑媽,我都係咁唸,so far都淨係報左一間N班,黎緊肚B足18個月就報多間,主要都係近,唔想小朋友要早起又搭車咁辛苦。
    哈哈,我同老公都讀書唔係叻果啲,所以都唔望肚B一定要入啲咩名校架(當然近果啲會照試下,唔得就算 ^^")

    回覆刪除
  11. 我姨甥都係青山聖彼得堂畢業ga~ 佢返學都好開心~ 而家仲俾佢入到何日東小學, 所以應該呢間幼稚園都唔錯~

    回覆刪除
  12. 支持你唔做怪獸家長! 希望柑b開開心心咁成長!

    回覆刪除