2014年5月16日星期五

♥ UPDATE ♥ 柑B 與柑媽之近況 ^0^

真係好耐無打
BLOG ~
大家幾好嗎?
見到好多媽媽都有左第2 (又或者 BB 已經左出世)
真係恭喜大家~ ^0^



而我呢, 同老公前思後想, 最終決定唔生多個了~


雖然我也覺得有兄弟姐妹是好事, 問題是我平日放工已沒什麼時間精力同柑B, 如果再生一個真是不敢想像 -_-
上星期食食下飯, 我拖柑B同堂哥2個出去睇魚 (酒樓門口果D)
一個要行左, 一個要行右, 一個又要拖, 一個又唔拖, 短短一分鐘我成身濕曬… (真無用XD)


不過有2個小朋友的媽媽都話, 辛苦也只是頭2,3, 到大家都長大了就可以互相消磨體力:P


也說說柑B, 之前病了足足一星期。
最高更燒到 39.6, 於是去左睇夜疹, 搞到成3am!


不過病完之後覺得柑B 突然長大了好多: 詳情可以睇尼個LINK


B 現在足20個月。


在各方面發現我個人覺得是很平衡。
不是最快也不是最慢。


我個人對這方面也沒有太大壓力, 也沒有特別對柑B作什麼訓練 … (是不是太hea ?)
B 成日比我同爸爸教左D 古怪野。



例如:

Bo係街話人靚女, 而且真是靚女的(eg: poster 上的model, 女童星悠悠)

佢又識肥媽

佢見到阿bob 會話「光頭」

識唱歲月如歌的「飛~~~」「嬉戲」@ 高音mode

識各種球類: 足球 (佢會話踢波), 籃球 (佢會話拍波), 桌球 (佢會話篤波), 羽毛球 (佢會話毛球), 網球 (佢會話網球) <- 因為成日睇體育台


如果正常 d 的日常生活就是多了表達自己的感受, eg: 話熱,
也愈來愈會跟我們對答, 亦會駁咀

不會撤嬌 (這跟我好似), 是很硬的性格, 如果我鬧佢, 佢會忍住眼淚唔喊 (但谷到紅曬, 眼淚打滾)
跌倒亦唔會喊, 不過有時會好嬲自己打個地下~



水口佬, 很愛說話, 我亦一定作出回應, 多多鼓勵。

吃東西的話, B 也可以自己吃, 不過天一半地一半, 而且食食下又無心機。

我的方向是: 如果佢話飽, 我會問多一次係唔係飽, 如果佢話飽, 我就直接收走。
因為我要柑B 了解, 講左飽就唔會有得再食。
如果佢未飽, 佢會話:



而出街的話大致會跟我地食, 唔會帶野出去食。

然後柑B 9月就要上N 1 ~
學校不是什麼名校, 不過就很近99 ~


對我來說太小的小朋友還是近點比較好 ~ (最終都決定唔讀啟思, 因為太遠)
而更搞笑o既係柑爸話有個老師好熟口面, 後來先知係舊同學的太太。


我第一個反應是: 你同你舊同學沒有交惡吧? XD

這家學校上網平價不錯, 而且也是快樂學習為主, 正合我意~ ^_^


講完柑B 又講下我~


工作上很忙, 之前我好僧個鬼佬高層變左我上司個上司。
即是我要UNDER ~
然後佢周圍放風話要炒我搞到我無曬心機。
後來D 朋友分析過, o甘放風是想我自己走 (因為我做左就10, 如果真係炒, 公司唔多唔少都要賠錢比我)
, 我就同你鬥長命, 你炒就炒, 我一定唔會resign!
依家朝早見到佢我望都唔望佢, good morning 都唔講架! (d 同事都話我英)
當然od 客面前我地有扮friend!

身體方面亦持續欠佳。
之前發燒, 之後皮膚敏感, 到依家胃口一般又成日肚痾。
體重跌至100 lbs以下-_-
當然成日有人羨慕我o甘瘦, 但事實上因身體唔好而瘦下來也不是值得羨慕的事

然後是今年開始迷上了韓劇跟kpop ~ XDDDD
超中意SHINee (佢地老么年紀比我細成10XDDDD), 之後是FT island CNblue~
等柑B 3歲我就會比佢去學kpop XD

今年母親節因為下大雨而在家中發毛~
但只要抱住柑B, 也是快樂的~
b 長大了, 媽媽變老了~
我可是用青春在養育你, 你長大後要好好疼愛我~ XD

20 則留言:

  1. 在育兒過程中, 想法常變, 甚至有很多晦氣說話
    就好似, 柑b得幾個月大時你話想生多個, 而我就回應你話唔想生
    但到今日, 你話唔想生時, 我又想生了~

    回覆刪除
    回覆
    1. 其實我一路都想生架, 因為枇柑b 有弟弟 or 妹妹, 不過現實因素太多考慮! XD

      刪除
  2. 我之前都係工作有唔開心...柑媽加油...我地都係會寶貝努力, fighting!!!!!!!!

    回覆刪除
    回覆
    1. 有時真是要睇化D, 我現在都不會把工作的情緒帶回家~
      回家也唔 check email ~ XD

      P.S. little k 真係好靚女 ~ ^0^

      刪除
  3. 用青春在養育柑B~<--正點的~

    回覆刪除
  4. 我公司都黎左個新老細,我都極至憎佢,好彩再對上個老細我跟左好耐,同埋佢都覺得我新老細有問題咋,我對住佢都黑面晦氣態度差架!好彩每次唔開心,返屋企見到小朋友就開心晒~
    柑媽依句「用青春在養育你」真係好感動,柑B一定要聽話錫錫媽咪呀!

    回覆刪除
    回覆
    1. 其實working mama 真係唔簡單!
      所以我地真係好偉大架XDDDDDD
      肚B 真係大個左好多~~

      刪除
  5. 遲啲可能柑b開口要個細佬妹呢 ^^

    回覆刪除
  6. 柑媽加油!!! 你自己都要保重身體呀!!

    回覆刪除
    回覆
    1. 謝謝啊~ 為左柑B 我會好好地睇住自己身體!

      刪除
  7. "柑b 長大了, 媽媽變老了~
    我可是用青春在養育你, 你長大後要好好疼愛我~ XD"
    => 感動ing~

    柑B樣子好似冇咩點變呀! 同媽媽一樣, 襟睇~

    回覆刪除
  8. 完全同意呀!你講d野太貼近我,我都唔生啦!成日諗生唔生,話蕎b好湊,但我比你更差,身邊無人幫到手,我生就更無可能再做野,我想比多d佢,有時諗第時佢得一個都好傷心架,但希望佢性格樂觀啦!
    我之前勁渴望生,睇見身邊d人生我口水都流哂,但現在珍惜同蕎b一齊好過

    回覆刪除
    回覆
    1. 不過你女女o甘外向主動, 都 ok 啊 ~
      柑 b 就唔同了, 又 shy 又內向 >_<

      刪除
  9. 桌球 (佢會話篤波), ==> 好叻仔~

    回覆刪除
  10. 生多個bb, 真係巧巧巧開心0架
    而且獨生子真係好孤單架....... 諗下先啦!

    回覆刪除
    回覆
    1. 雖然話決定唔生, 不過成日都心cc架 ~~ >_<

      刪除