2014年7月16日星期三

♥ 柑 B 成長日誌 ♥ 第23個月 – 扮乖我最叻


現在柑 B 成長日誌由一個月一次變成了幾個月一次。
看來我真是要努力的起心肝了XD



現在一整個BLOG 也封了塵

對於柑B 的學習, 我還是抱著半放羊的狀態。

我常常覺得對一個這樣小的小孩, 還是由他自己親自體驗最好。


所以什麼 FLASH CARD , 英文歌, 數字歌是通通沒有的~
只有簡單的遊戲卡~



在別人的小朋友已經識A-Z, A for apple也識的情況下, B 是完全唔識的XD


我會同柑B 去超市, 所以的水果名稱柑B 也認識。


比佢東摸摸西摸摸
一見奇異果就會話: 奇異果, 有毛, 爸爸有毛! (係啦, 全世界都知你爸爸有毛啦XDD)

, , , 罐頭, 餅糖檸檬茶啤酒咖啡通通也難不到他。
一見檸檬茶啤酒咖啡, B 就會好乖巧o甘話: 大人飲, 軒軒唔飲。

(但有一次比我地發現佢o係屋但偷飲我地d檸檬茶)
會一起數數字, 看顏色。


而且柑b 認路比我更好, o係市中心就快行到某d 位置佢會講到出黎。
eg: 一去到時代附近佢就會話睇兔兔 (因為有miffy 公仔)


很喜歡踢波, 成日世界杯前世界杯後。
到依家世界杯完左佢好似仲未接受到尼個現實。


說話方面已經進化到可以同大人傾計
當然只是簡單的對話啦~
有一次我同柑b 一齊傾左成半個鐘, 感覺真係又開心又搞笑。


很多人都話柑B 好乖!
其實你地比佢呃左啦!
佢係「扮」乖。
只要一有陌生人 (或唔熟), B 就會突然變乖, 得左!


舉個例子, 我同爸爸 2 個人帶佢出去食飯, 佢坐唔夠10分鐘就會大叫「埋單」(因為之前同佢講過唔埋單唔可以走, 所以佢一想走就叫埋單)
但如果我地是同其他人一齊食飯, 佢可以乖乖坐足45MINS 或以上。

而且會自己默默食野唔會騷擾大人, 真是好似變左另一個人o~ XD


所以真係要多D「搭台」XD



而柑B同媽媽一樣非常愛美!
只要你同佢講「嘩! 好靚! 你帶得好好睇!


佢就35度都可以帶住帽。



而且出門要自己簡鞋。
梳完頭又要照鏡。
茶完膏膏又係o甘話自己靚 ~



原來一個快2 歲的BB, 理解能力已超乎我自己想像。
很多說話佢都會明白, 而且記在心中。


所以對佢做頑皮時我都是這:

(1) 先講道理解釋
(2) 責罵
(3) 小教訓

最好的事情當然是在 (1) 就解決了。

例子是: 排隊

因為家窮的關係 XD, 成日都會坐巴士, B 好細個就有排隊尼個觀念。
每次買野, 等車, B 都會默默地排隊~
之前去機場博覽會, 面對超吸引的跳床, 滑梯, 對小朋友黎講要排成3-5分鐘真是好大考驗。


睇見唔少小朋友係o甘爬入去or 打尖, B 真是表現很好, 雖然雙眼發光而且有D 唔耐煩, 但都一路聽我指示乖乖排隊, 真是好孩子~ ^3^



但也有D 事係要比D 小教訓佢!



話說我地個廁所係「熨」門, B 成日自己又開又關。
仲要自己入廁所關門唔比我地入!



解釋又解釋過, 鬧又鬧過。
於是有一次佢又自己困住自己, 我就叫爸爸頂住道門。
當佢發現開唔到門就開始喊, 困左佢 30秒先開番門。

之後我同佢講: 係唔係困住左
B:
: 之前媽媽都話左道門係壞架啦, 你仲入唔入去玩
B: 唔入, 壞呀!

自尼次之後柑B 就沒再入廁所玩過門。(但後來我同朋友 share 尼件事, 佢話佢仔也試過, 但困住佢唔單止唔驚仲好開心-___-;;;)

同人接觸方面都比之前進步左少少。



但依然好唔中意太熱情o既小朋友同中意自己玩多d ~



可能都再大個d 先會好少少~



而柑b 9月份就開始番學了。
有時真係好感觸 ~



好快就頭也不回快樂上學不要媽媽了T_T



現在已經很少可以抱抱柑B (佢中意自己行)
回想起來, 小時候 D 人成日話唔好抱o甘多, 抱壞曬~
其實 又抱得幾耐呀!



有得玩好玩, 有得抱好抱啦!

20 則留言:

  1. 好耐冇見柑b個樣大個左dd (但最後個張又bb番)
    柑b踢腿踢得咁高, 勁!
    有得玩好玩, 有得抱好抱啦! >> 不能同意更多!!!

    回覆刪除
    回覆
    1. 係啊~
      不過佢依家有毛有翼, 成日話唔要媽媽, 唔中意媽媽 -_-

      刪除
  2. 識扮靚就唔駛講, 有你DNA嘛~~
    我都好同意有得抱就抱下... 唔抱得幾耐呢~ (有時係太重唔想抱)

    回覆刪除
    回覆
    1. 柑b 好少扭抱的, 有時佢扭抱我都會抱, 不過我好快累XDDD
      我就話: 我累啦, 你自己行啦~
      佢就自己行~

      刪除
  3. 由柑B未出世就睇你blog到宜家..真係可以話係睇住柑B大...話咁快柑B就咁大個仔, 姨姨我都好感觸呀~ XD

    回覆刪除
    回覆
    1. 其實我都睇住尼度好多BB 大~
      雖然好少見, 但感覺真係好神奇!

      刪除
  4. 柑b天生個乖乖樣...到呢家都仲好bb feel咁既...真係同媽媽一樣...

    回覆刪除
  5. 有得玩好玩, 有得抱好抱啦<--好認同呀,佢哋真係大得好快,連EE睇到都覺得唔捨得佢咁快大

    回覆刪除
    回覆
    1. 柑b 依家好反叛, 成日話唔要媽媽 ~
      真係又嬲又好笑~

      刪除
  6. 柑b大個左好多, 不過依然係咁可愛呢~~~

    回覆刪除
    回覆
    1. 走唔到靚仔路線就只可以走可愛 (+搞笑) 路線~

      刪除
  7. 柑B都好乖呀。排隊真係好緊要,乖乖!

    回覆刪除
  8. 柑B 好叻仔呀, 識講咁多野~ 小寶都仲係唔太識講句子~ 我覺得柑B 乖~ 又識排隊, 又識得錯誤中學習~ 真係好乖~

    回覆刪除
    回覆
    1. 各位BB 都在努力學習中 ~
      小寶都應該好快講句子架啦~~~

      刪除
  9. 柑B好可爱又乖又叻呀!
    大人食,佢唔食,但又会偷食>笑左^o^
    玩廁所門,一仔都有呀,唉!

    回覆刪除
    回覆
    1. 真係好古惑架!!!
      個個BB 都玩門, 夾到手都唔驚架!!

      刪除