2015年10月8日星期四

柑媽心情日記 - 忐忑 9 月

打尼篇blog 時我心情一路有d 忐忑。
打好, 定唔打好呢?

最後我都係想記底尼一件事。

不過內容可能會有d  

如果有add facebook 嘅朋友都應該知道, 我媽媽早前日急病入左院。
其實我都唔知應唔應該叫急病, 因為尼個病真係唔係一朝一夕就會有。
但由發現到check 到是一星期以內的事。

而做埋手術亦係同一個星期。 
 
諗番起果個星期真係唔知喊左幾多次。

當時媽咪係住荃灣港安醫院. 好多人都話港安好似麻麻地, 不如轉法國啦, 轉浸會啦。
因為媽咪覺得住得好, 而且佢好信任個醫生。

所以我地開左家庭會議, 大家一齊投票決定, 最終決定唔轉院。

講真, 尼個決定真係下左好大勇氣, 好怕自己做錯決定。

但後來有人同我講: 世界上無最好嘅決定, 你地決定左就係最好架啦!
 
所以我地決定將一切都交比醫生。(我內心亦不斷祈禱)
喺長達4小時的手術期間, 我地一眾人坐o係手術室門口。
原來個心情係好緊張, 不過我地都好有信心。
 
而最終手術亦順利完成, 媽咪亦o係兩星期之後出左院。
不過出院後絕對要好好休養。

除左我daddy 同細佬, 非常感謝我姨姨同舅母, 因為佢地真係日日煲湯整野比我媽咪食。

但因為我娘家真係太遠, 我只可以星期6, 日去探媽咪, 上星期仲因為打風無去。
其實媽咪尼個病未知斷尾未, 所以要長時間去check , 但尼d 野係控制唔到。

然後昨天facebook 睇到表妹出左一個status:

 
其實佢無指名, 但我覺得係講我同細佬。
我真係覺得好唔開心

其實我表妹真係好好, 好有心, 佢因為工作比較彈性, 佢仲成日煲湯比我媽咪。(佢唔係得把口批評人地果d 36)

因為我要番工, 我有小朋友, 我可以做嘅真係唔多。
我放假會盡量抽時間去睇媽咪, 但我亦唔可以將我仔丟埋一邊。
我只可以話每個家庭都有自己相處方式, 而我亦有自己難處

 我知我媽咪無抱怨過, 可能只係佢代抱不平。

 其實尼篇 blog 我無親戚會睇到, 不過我自己都會反省下, 希望再做好d
我真係好愛我任何一個家人!

 但有d , 真係到你做左人阿媽先會明。 

不過有一件事令我安慰的是, 我成日覺得好似小朋友嘅細佬, 當我同佢討論尼件事, 佢好冷靜咁回我:

「其實媽咪比起休養 比較需要心理上康復 如果什麼也沒的做很易胡思亂想 最好是讓她做點小家務, 而不是每時每刻也提醒她她是病人, 唯一要做的是,別讓她做粗重功夫。」

 然後我覺得, 你真的長大了~ ^_^

16 則留言:

  1. 唔知講咩好,其實我都明白你心情,我媽咪都身體差,個病都好無奈,有邊個唔錫自己父母呀!但有時有小朋友又真係唔可以唔理!

    回覆刪除
    回覆
    1. 謝謝Yuki ~ 依家柑b反而見多左婆婆, 仲fd 左~ XD

      刪除
  2. 有時愛錫家人,唔駛 "做"出嚟比人睇的,自己同家人知道已足夠,唔駛太介懷別人的想法~

    祝柑媽媽早日康復,身體健健康康!~

    回覆刪除
    回覆
    1. 係啊, 果一刻有D難受,不過依家OK了~
      只可以話一家唔知一家事~

      刪除
  3. 屋企人病, o個種感覺, 我非常之明白...可幸o既係, 柑婆婆手術成功~!!! 柑媽,其實每個人都有自己難處~ 盡左力就得~

    回覆刪除
  4. 回覆
    1. 希望你媽媽早日康復...曾經我屋企都有D咁嘅事發生, 所以我好明白你感受~
      加油...

      刪除
    2. 謝謝 AMY ~ 我會盡力做好D ~

      刪除
  5. 每個家庭、每個人都有自己難處,有時只有身處當中,方明白果種無力....
    我相信自己盡左力就好了....
    柑媽你都加油,撐住啊~

    回覆刪除
  6. 柑媽, 我完全明白你心情, 在職又要照顧小朋友一啲都唔簡單, 好多野真係做左人媽咪先會明白, 又有邊個媽咪會唔了解同體諒自己最親既子女呢? 你盡左力問心無愧就得啦^^ 柑媽加油啊~~~

    回覆刪除
    回覆
    1. 係啊, 真係只有做左媽媽先會明白, 不過我會努力再做好D ~

      刪除
  7. 柑媽要加油﹗亦祝你媽媽早日康復,人哋講咩其實唔太重要,最重要係你哋知自己做緊咩,你媽媽會明白嘅,唔使太擔心﹗

    回覆刪除
  8. 柑媽加油呀!祝AUNTIE 早日康復

    回覆刪除