2015年10月6日星期二

♥ 柑 B 成長日記 ♥ 我是 K1 哥哥




原來我真係好耐無打柑B成長日記啦~
依家工作唔算忙, 不過個人都無咩心機打BLOG ~
我真係要的起心肝啦~

其實由暑期開始, B就成日話自己係K1哥哥!
可能因為佢原校直升, 老師不停同佢地講K1就係哥哥姐姐, 要乖啦, 同唔好喊。


而開學頭3 日都可以比家長陪同。
不過搞笑地因為第1日大家表現真係太好, 2,3日都唔比陪了~

分享下第1日番K1的情況。 

當日一番到學校就自動波拎玩具玩。


之後就唱下歌仔, 講下故事。

去廁所, 我第一次見柑B自己去尿兜, 真係好搞笑XD

學校真係train 得好好, 排隊 > 去廁所 > 開水洗手 > 關水 > 肥皂 > 開水> 洗手 > 關水 > 抹手紙 >丟去垃圾箱

因為尼班小朋友大部份都係由n 直上, 所以大家都表現得好好~
 

之後就食茶點。
原來小朋友係要自己由書包拎杯袋, 再自己拎水杯去針水, 自己打開食物盒, 老師派食物
 

食完之後由小朋友自己收拾, 再放回書包。
坦白講, 我果一刻真係好感動。

我好肯定n班時老師用左好多愛心同耐心先可以訓練得佢地咁好~

超好笑係柑 B 因為好中意自己條spiderman 手巾, 周圍 show 比d 同學睇 ~
d 同學又不甘示弱 show 番自己果條, 好好笑XD
 

因為頭一天只是上1小時, 去活動室玩左一陣就放學啦~
 
小朋友都好守規矩!
B學校唔係咩名校, 不過之前知道風評都幾好, 於是喺幾間收左柑B 嘅學校之中選擇左尼間。

各方面都好好, 不過同私立的幼稚園比, 佢學習情度真係好淺好淺。
雖然佢地有外籍老師, 不過都係唱下歌仔咁。

不過大家都知, 我絕對唔係怪獸家長, 所以這個模式我個人是ok的。

對於小學我亦希望簡唔太催谷嘅學校。

朋友話: 你小學唔谷, 中學辛苦死呀!

我其實都唔知呀, 希望我自己會堅持到唔隨波逐流啦~

11 則留言:

  1. 回覆
    1. 但係其實我都好怕我尼個決定係錯...

      刪除
    2. 我初初都想堅持, 但最終都係敵不過其他人嘅講法, 所以先轉左校~

      刪除
    3. 咁本身我自己都鐘意小B宜家呢間K1嘅學校嘅, 因為呢間學術比較好, 同我心儀嘅小學又有D關連, 但N班時讀咗救世軍一年, 真係覺得救世軍好好, 但唯獨學術真係淺囉, 曾經有諗過係咪應該俾佢開開心心咁讀到尾, 但又真係好怕佢上小一會追得辛苦, 所以當我下決定嗰下, 真係爭扎左好耐~

      刪除
  2. 我都唔想谷佢,但求入到唔太差就算,本身我讀書都唔叻,我都唔識點谷!所以自己同其他媽媽比又好驚害左佢咁!

    回覆刪除
    回覆
    1. 不過如果谷果D 學校如父母跟好緊, 好似你FTM 都好少少, 起馬多D 時間去跟進。
      好似我放工番到去都8:30, 有時見1, 2小時, 有時仲已經 ZZZZ 左~
      如果要谷, 大人小朋友都好辛苦 ~

      刪除
  3. 柑B雙手插褲袋真係好有大哥哥風範啊~~~~有型!!
    好搞笑, 個個拎條手巾仔出黎曬XD
    我都想幫大爺上到間唔谷既小學...

    回覆刪除
    回覆
    1. 唔谷得黎又唔想太HEA, 真係好矛盾 >_<

      HAHA ~ 手巾果part 真係好好笑XD

      刪除
  4. 都冇乜小學唔谷,無論私小定津小都一樣咁谷,除非國際學校

    回覆刪除
    回覆
    1. 有架, 有D 好hea, 放羊, 但太hea 我又唔想~

      刪除