♥ Yoho Mall 恐龍歷險之旅 ♥ 攻略, 遊戲介紹 + tips

終於去玩左啦~真係好多野玩! 可以玩足一日!!

今次為大家介紹YOHO MALL恐龍歷險之旅!

好開心, 柑B再次化身為試玩專員~

YOHO MALL 與 We 嘩！充氣嘉年華聯手打造恐龍歷險及考古掘蛋樂園, 設置六大探險區, 結合多個全港首次曝光的遊戲裝置：

 包括 25 呎巨型速龍頭形的充氣三滑梯及 19 呎高的被困暴龍的充氣彈床滑梯、見證恐龍生蛋過程的生蛋機械三角龍、仲有最新的小型機動遊戲 - 考古天秤機同歷奇機械爪, 等 16 個遊戲關卡。由室內玩到室外, 挑戰小朋友的耐力、腦力及膽量！今個復活節假期, 齊齊變身智勇雙全的小小考古探險家, 感受驚險刺激又新奇好玩的非一般玩樂體驗！

其實之前yahoo 有做團購, 不過已經賣曬啦~
但大家都唔洗太失望, 因為現場都可以買到 $180 的套票~

 大家需要先去 YOHO MALL一期1樓中庭位置購票~之後我會建議大家先玩室外充氣設備! 點解?

因為天有不測之風雲, 落雨就無得玩XD
好似我去果日天氣報告明明話好好天, 下午居然落大雨~
好彩我一早已經玩曬D室外充氣設備~

先同大家介紹室外遊戲! 

逃出速龍口 @ $50

全港首次曝光的25呎高巨型暴龍頭充氣滑梯，讓小朋友經歷穿越利爪爬上暴龍頭，再於獠牙之間逃生的刺激旅程。遊戲可訓練孩子的勇氣及肢體協調，好玩又益智。

 

尼個game 要足 100cm 先可以玩, 柑B 勉強玩到~

真係好好玩, 好刺激!尼位小朋友果然膽生毛~

 如果小朋友唔夠高或者有D 驚, 亦可以選擇旁邊尼個比較小型的【越押威龍】 (90CM) @ $50

一樣好玩!

工作人員人手充足, 一個滑完先到下一個, 令人放心! 

一樓戶外就有2款比較合適細B玩的彈彈 (80CM)

本來打算下午玩, 點知落雨收左~好彩柑B一心都係想玩恐龍彈彈, 所以無太失望!

之後就去左另一邊玩: 

撐艇仔 @ $50

柑B玩左2 次, 真係好好玩~

由幾個月前第一次玩控制唔到, 到依家控制得好好~

柑B自己也很滿足 ~ 

恐龍騎士 (於YOHO MALL 消費滿 $300 就可以玩啦~)

 本來柑B都驚驚地, 不過有朋友仔話要玩, 佢就好勇敢話要玩。

我覺得柑B勇敢左好多呀! 

再介紹下室內遊戲

考古天秤機 @$50

    首次曝光全新實地操控的天秤吊臂，小朋友坐在可轉向方向的控制室內親用控制吊臂，磁力吸吊9色恐龍珠，考小朋友手、眼及腦協調。

歷奇機械爪 @$50

    首次曝光，小朋友可以體驗機械操作，於限時內操控機械爪將小恐起放在育嬰箱中，體驗保育及愉快學習過程

比較左2款, 我個人覺得細個D的小朋友玩歷奇機械爪比較得心應手。
而考古天秤機就難玩少少, 不過柑B表示, 2個都好好玩XD

不過要留意, 尼2個game 都係得2 架, 6分鐘1次, 所以輪候時間會比較長。
如果你地打算尼2 款係必玩, 可以早少少黎先玩左尼2款先~ 又或者小朋友玩A, 爸爸或媽媽幫手排B, 咁就可以減少輪候時間。(留意, 一位家長只可以為一位小朋友輪候) 

恐龍生蛋 @ $50

 

尼個真係好搞笑~

隻蛋仲可以拎走XD

 親子專區 

掘恐龍骨 @ $50 

估唔到柑B玩得咁開心~(因為柑B本身潔癖XDDD)

D 沙應該係Kinetic Sand, 所以都玩得幾乾淨架~

 畫下復活蛋再玩下小遊戲!

最後去applegreen 食左個 $88 的set for 2, yummy!

記得港鐵元朗站F出口係Yoho Mall II, 大部份遊戲係Yoho Mall I 。 

活動日期: Yoho Mall 恐龍歷險之旅3月19日至4月10日

時間:上午11時至晚上7時

地點:YOHO MALL I & II (港鐵元朗站F出口)

抓住復活節尾巴! 一於玩盡佢!!