2018年4月23日星期一

正向家長學院 - 做個正向父母 ♥


相信大家也同意, 當父母就是要不停學習~
遇上這樣的情況我應該怎樣? 什麼說話可以對孩子說? 什麼一定不可以說?

就算我已經當了5年母親, 依然覺得自己是「新手」一名XD

最近參加左「正向家長學院」的講座, 雖然只係短短一小時, 但真係令我有不少反思同得著。

先問大家,如果010分,你俾仔女幾多分?



大家心中第一下想起的是不是: 小朋友不好的地方, 然後決定扣佢幾多分?

然後, 你試試問一下你仔女俾你幾多分?

在場家長多是給5-7, 而大部份小朋友也會比父母10分或以上 (即爆燈), 看到這個結果大家會唔會自己反思一下?

我平日成日話你, 又管你, 但你都比10分我?


隨住時代改變, 大家對小朋友要求愈來愈高, 但奈何小朋友係按年齡階段去發展, 真係急都急唔黎架~


講座內容太豐富, 我稍為同大家分享幾個大家常犯的錯誤:

1.      說話欠缺清晰指引

我地成日講: 唔好XXXX!
其實正確應該講: 你應該XXX!
例子:
錯誤 - 唔好跑呀!
正確 - 慢慢行!

2. 說虛無的說話, 無論讚美/責備也應該明確指出要點!

例子:

錯誤 是但讚: 你好叻WO!
正確 明確指出做得好的地方: 你今次個姿態比上次進步左呢, 腿壓得好靚, 果然有努力練習!

3. 過度重視道理

不停講道理, 直到仔女講出我地想聽的說話 :「我知錯了!



4.將孩子與別人比較

這個真是大大大忌, 我也不停提醒自己不可以這樣!


5. 處理情緒的手法欠佳

小朋友情緒失控時你會唔會同時失控? 大叫:「收聲, 咪喊!
將心比心, 當你傷心難過時, 如果你的另一半這樣對你, 你心情會如何?


最後的問答環節我也不客氣地舉手發問: 柑仔非常不喜歡在眾人面前發言, 我覺得佢唔夠自信, 請問有什麼方法可以改善?

Ringle 只笑笑口話: 那你會在眾人面前發言? 家長以身作則很重要啊! 就好似父母永遠唔會同外人打招呼, 但又要小朋友同外人打招呼, 這樣合理嗎?


這讓我想起一年前我們朋友間的讀書會舉行了一次「小朋友講故事活動」。
柑仔一下子就拒絕了, 我想了又想, 最終請柑仔自行挑選了一本故事書。
然後我一有時間就同佢講尼個故事, 睇尼本書嘅圖畫。

讀書會當日, 意外地柑仔居然是第2個主動出去講故事的小朋友!
我內心非常驚喜, 回想起來不就是如 Ringle所說, 當父母日常是這樣子, 孩子也會覺得理所當然嗎?

世界衛生組織多年前已發出警告, 預測 2020 年全球第二號疾病是抑鬱症。

所以我不停提醒自己勿忘初心, 當小朋友出生時我們心中所期待什麼?
希望他們可以健康快樂地成長, 是嗎?
我地又點先可以令佢地成為一個正向積極的人呢?

柑柑媽朋友及粉絲可以有8折優惠報讀課程
優惠碼:helloiris

如果大家有興趣了解多D, 可以去以下網頁了解下:

正向家長學院


沒有留言:

發佈留言